Жеңісбек Мұхамедкәрімұлы Жұманбеков
| Жеңісбек Мұхамедкәрімұлы Жұманбеков | ||||
| Лауазымы | ||||
|---|---|---|---|---|
| ||||
| 1995 — 1997 | ||||
| Президент | Нұрсұлтан Назарбаев | |||
| Ізашары | Сәт Тоқпақбаев | |||
| Ізбасары | Әлнұр Мұсаев | |||
| Өмірбаяны | ||||
| Дүниеге келуі | 11 қараша 1945 (78 жас) Жамбыл облысы, Қазақ КСР | |||
| Әскери қызметі | ||||
| Әскер түрі | Мемлекеттік қауіпсіздік органдары (МҚК, ҰҚК) | |||
| Атағы |  Генерал-лейтенант
| |||
| Марапаттары |
| |||
өңдеу  |
||||
Жеңісбек Мұхамедкәрімұлы Жұманбеков (11 қараша 1945, Жамбыл облысы, Қазақ КСР) — Қазақстан Республикасы Ұлттық қауіпсіздік комитетінің төрағасы (1995-1997), дипломатиялық дәрежесі — бірінші санатты кеңесші.
Өмірбаяны[өңдеу | қайнарын өңдеу]
1945 жылы 11 қарашада Қазақстан Республикасының Жамбыл облысында дүниеге келген.
Әкесі Мұхамедкәрім ауыл мұғалімі, екі соғыстың: Фин және Ұлы Отан соғыстарының қатысушысы, қатардағы жауынгерден аға лейтенантқа дейін жеткен, аты аңызға айналған «Катюшаны» есептеу бойынша саяси нұсқаушы, соғыстан кейін - нұсқаушы, аудандық атқару комитеті төрағасының орынбасары, ұжымшар төрағасы болды.
1968 жылы Мәскеу тамақ өнеркәсібі технологиялық институтын инженер-технолог мамандығы бойынша бітірді, Алматы қаласындағы Қазақ КСР Астық өнімдері министрлігі жүйесінде жұмыс істеді.
1972 жылы КСРО Министрлер Кеңесі қарамағындағы МҚК оқу орнын бітіргеннен кейін Қазақ КСР Мемлекеттік қауіпсіздік комитеті жүйесінде (орталық аппарат, Алматы және Қарағанды облыстары) жедел және басшылық қызметтерде болды.
1986 жылдан Қазақ КСР МҚК Ақтөбе және Жамбыл облыстары бойынша басқармасы басшысының орынбасары қызметін атқарды.
1992 жылдан бастап — ҚР МҚК/ҰҚК Жамбыл облысы бойынша басқармасының басшысы болды.
1994 жылы Қазақстан Республикасы Ұлттық қауіпсіздік комитеті төрағасының бірінші орынбасары[1], 1995 жылдан бастап төрағасы болып тағайындалды[2][3].
1997 жылы Қазақстан Республикасы «Барлау» қызметі директорының орынбасары болып тағайындалды.
1999-2002 жылдары — кеңесші ретінде Қазақстан Республикасы ҰҚК-нің Өзбекстан Республикасындағы ресми өкілі, кейін Қазақстан елшіліктерінің кеңесші-елшісі ретінде Қазақстан Республикасы ҰҚК-нің Ресей Федерациясындағы ресми өкілі қызметін атқарды.
2004-2009 жылдары — ШЫҰ ӨЛҚҚ Атқару комитеті директорының әртүрлі салалардағы — әкімшілік-қаржылық және ақпараттық-талдау бойынша орынбасары болды.
2010 жылы 1 қаңтарда Шанхай ынтымақтастығы ұйымы Мемлекет басшылары кеңесінің шешіміне сәйкес, Өңірлік лаңкестікке қарсы құрылым Атқарушы комитетінің директорлығына үш жылдық мерзімге тағайындалды[4].
Генерал-лейтенант әскери атағы бар.
Марапаттары[өңдеу | қайнарын өңдеу]
- II дәрежелі «Даңқ» ордені (2002)[5]
- Қазақстан Республикасы ҰҚК құрметті қызметкері.
Кеңес Одағының, Қазақстан Республикасының медалдарымен және Құрмет грамоталарымен, КСРО МҚК құрмет белгілерімен марапатталған.
Дереккөздер[өңдеу | қайнарын өңдеу]
- ↑ Халықаралық ұйымның генералы
- ↑ ҚР ҰҚК Басшылары
- ↑ «Қазақстан Республикасының әкiмшiлiк-аумақтық құрылысын оңтайлы ету жөнiндегi шаралар туралы» 1997 жылғы 22 сәуiрдегi № 3466 Қазақстан Республикасы Президентiнiң Жарлығы. Қазақстан Республикасы нормативтік құқықтық актілерінің ақпараттық-құқықтық жүйесі.
- ↑ ШЫҰ Өңірлік лаңкестікке қарсы құрылымы Атқарушы комитетінің жаңа директоры таныстырылды
- ↑ Указ Президента от 12.12.2002 № 998 «О НАГРАЖДЕНИИ ГОСУДАРСТВЕННЫМИ НАГРАДАМИ РЕСПУБЛИКИ КАЗАХСТАН». Басты дереккөзінен мұрағатталған 12 мамыр 2015.(қолжетпейтін сілтеме) Тексерілді, 14 маусым 2012.