Жеңіс Қайыржанұлы Рысбаев

Жеңіс Қайыржанұлы Рысбаев(25.1.1949 жылы туған, Солтүстік Қазақстан облысы,Петропавл қаласы) - әскери қайраткер, генерал-майор. (1995). Алматы жоғары жалпы командалық әскери училищесін (1975), Новосібірдегі әскери қарсы барлаудың жогары курсын (1977), Ташкенттегі мемлекеттік қауіпсіздік комитетінің жоғары курсын (1984) бітірген. 1975-77 жылы танк взводының командирі болды. 1977-82 жылы Орта Азия әскери округінің Ерекше бөлімінде, 1984-86 жылы Ауғанстандағы Кеңес Одағының 40-армиясының құрамында, 1986-92 жылы Орта Азия және Түркістан әскери округтерінде Ерекше бөлімнің барлау бөлімінде жауапты қызметтерді атқарды. 1992-97 жылы ҚР ҰҚК әскери қарсы барлау басқармасында бірінші орынбасар, ҚР ҚК Бас штабының Бас барлау басқармасының бастығы, ҚР ҮҚК төрағасының орынбасары, 1997-2002 жылы ҚР «Барлау» қауіпсіздік қызметінің директоры, кеңесші. Қызыл жұлдыз орденімен, көптеген медальдармен марапатталған.

Жеңіс Қайыржанұлы Рыспаев 1949 жылы 25 қаңтарда Петропавл қаласында туған. Қазақ. В.И. Ленин атындағы Қазақ политехникалық институтын; И.С. Конев атындағы Алматы жоғары жалпы әскер командалық училищесін (1975) шынжыр табанды және дөңгелекті машиналарды пайдалану жөніндегі инженер мамандығы бойынша; КСРО МҚК Әскери қарсы барлау жоғары курстарын (1978); КСРО МҚК жоғары курстарын (Ташкент қаласы, 1984) бітірген. 1966 жылдан - кеңшар тракторшысы; В.И. Ленин атындағы Қазақ политехникалық институтының студенті. 1975 жылдан - взвод командирі. 1977 жылдан - КСРО МҚК Әскери қарсы барлау жоғары курстарының тыңдаушысы, Орта-азиялық әскери округ бойынша КСРО МҚК ерекше бөлімінің жедел өкілі, аға жедел өкілі. 1982 жылдан - КСРО МҚК жоғары курстарының тыңдаушысы (Ташкент қаласы). 1984 жылдан - Ауғанстандағы 40-шы армия бойынша КСРО МҚК ерекше бөлімінде бөлімшенің аға жедел өкілі. 1986 жылдан - Ортаазиялық әскери округ бойынша КСРО МҚК секторының аға жедел өкілі. 1987 жылдан - Авиация кадрларын жетілдіру жөніндегі Орталық курстар бойынша КСРО МҚК бөлім бастығының орынбасары (Фрунзе қаласы). 1989 жылдан - КСРО МҚК Жоғары курстарын шет тілдер кафедрасы бастығының орынбасары. Қазіргі уақытта - еңбегі сіңген демалыста. Қызыл Жұлдыз орденімен, 15 медальмен марапатталған. Запастағы генерал-майор. Үйленген. Жұбайы - Байжанова Гүлжан Ғабдуллақызы. Ұлы - Тайыр (1975 жылы туған). Немересі бар.