Жидебай батыр ескерткіші
|
|
| Нұржан Биомаров |
| Жидебай батыр ескерткіші, 2022 |
| қола, мәрмәр. Биіктігі: 10 м. |
| Балқаш, Астана аллеясы |
Жидебай батыр ескерткіші Балқаш қаласында 2022 жылдың қазан айында бой көтерді.
Ескерткіштің ашылу салтанатында батырдың қазақ тарихында алар орны туралы деректер молынан баяндалды. Қазақ жерінің тұтастығын сақтауда асқан ерлігімен, табандылығымен танылған Жидебай Қожаназарұлы 1713-1813 жылдар аралығында өмір сүрген тұлға.[1]
Бес қаруын асынған батырдың алып бейнесін мүсінші Нұржан Биомаров жасап шыққан. Биіктігі 10 метр, ал салмағы 4 тонна. Қоладан құйылып, тұғыры мәрмәрмен қапталған.
Ұйымдастыру алқасының төрағасы Бақытжан Әрінов дегендей:[2]
Жидебай батыр туралы нақыл сөздер көп қалған. «Сарыарқадай жер қайда, Жидебайдай ер қайда» деген. Қаз дауысты Қазыбек би айтқан: «Замана өтпес болсайшы, Жидекем өлмес болсайшы» деп. Тағы да халықтың нақылы: «Ел шетіне жау келсе, атқа қонған Жидекем, ел ішіне дау келсе, таққа қонған Жидекем, қазағымның басына баққа қонған Жидекем» деп, бұл кісінің атына, сондай батырлығына ерлігіне үлкен баға берілген.
Сондай-ақ, Жидебай батырға арналған Нұрдос Кәрімнің сөзіне жазылған, сазгер Қуандық Сәденовтің әні «Баһадүр бабам, Жидекеңді» республикалық ән байқауларының жүлдегері Дәуренбек Әркенов нәшіне келтіре шырқады. Жиналғандар шашуын шашып, батыр ескерткішіне гүл шоқтарын қойды.
Дереккөздер[өңдеу | қайнарын өңдеу]
- ↑ Балқаш қаласында даңқты батыр Жидебай Қожаназарұлына ескерткіш ашылды — «Орталық Қазақстан», 07.10.2022.
- ↑ Балқашта Жидебай батырға ескерткіш орнатылды Хабар 24, 18.10.2022.