Жиіліктік тығыздалу

Жиіліктік тығыздалу (Частотное уплотнение). Байланыс жолдарын жиілік бойынша тығыздау үшін ондағы әрбір арнаға жиілік спектрінің бір бөлігі бекітіліп беріледі. Арналарды жиілік бойынша бөлектеу үшін, алдымен, олардың жиілік спектрлерінің әрқайсысы әртүрлі жиілілк жолағына орналасатын етіп ығыстырылуы керек. Қабылдау орнында олар өздерінің бастапқы жиіліктік спектріне қайтадан ығыстырылады. Мұндай ығыстыру модуляциялау деп аталады. Ал қабылдау орнында қайтадан ығыстыруды модуляциядан шығару немесе демодуляциялау деп атайды. Алыс қашықтыққа мәлімет тарату жүйесіндегі байланыс жолдарын арналармен тығыздау белгілі бір стандартталған сатымен жүргізіледі. Олардың бірінші сатысы 12 арнадан , екіншісі 60 арнадан, үшіншісі 300 арнадан тұрады. Үшінші топтан жоғарғы жиілікте құрылатын жүйеде белгілі бір стандарт болмайды. Мысалы, олар бірнеше үшінші топтан және оған қоса басқа да бір топтардан құрылуы мүмкін.