Жоба:Инкубатор/Периодтық заңның маңызы

Периодтық заңның маңызы

1. Д.И. Менделеевтің ғажайып көрегендігі мен теңдессіз еңбекқорлығы оған табиғаттың жалпы даму заңдарының бірі болып табылатын периодтық заңды ашуына мүмкіндік берді. 2. Өзіне дейінгі ғалымдар үш элементтен (триадалар), алты элементтен немесе сегіз элементтен (октава заңы) тұратын элементтердің топтарын біріктірсе, Д.И. Менделеев сол кезде белгілі барлық (63) элементтерді жинақтап, кестеге орналастырды. Олардың қасиеттерінің өзгеруінің жалпы заңдылығын ашты. 3. Элементтер қасиеттерінің өзгеру периодтылығын басшылыққа ала отырып, ол сол кезде белгілі кейбір элементтердің атомдық массаларының мәнін түзетті. 4. Сол заңдылық сақталу үшін кестеде әлі ашылмаған элементтерге арнап, бос орындар қалдырды және олардың қосылыстарының қасиеттерін өте дәлдікпен болжады. 5. Қазіргі кезде бұл заң орта және жоғарғы мектептерде химия ғылымын оқытудың негізгі теориялық тірегі болып отыр. 6. Периодтық заң дүниетанудың жалпы заңдарына қайшы келмейді. 7. ХХ ғасыр "атом ғасыры" болса, периодтық заң атомның құрылыс теориясын дамытуға әсер етті, атом құрылысының ашылуы, өз кезегінде, периодтық заңды теориялық тұрғыдан дәлелдеп шықты. 8. Осы заңға сүйеніп, кез келген элементті және оның қосылыстарының қасиеттерін болжап сипаттай аламыз, олай болса периодтық жүйе - элементтер химиясының айнасы. 9. Периодтық заңның негізінде әлі де жаңа элементтер ашылуда, бұл периодтық заңның дұрыстығын дәлелдейді. 10. Атом энергиясын бейбіт мақсаттарға пайдалану мәселелері де периодтық заңнан бастау алады. Осы кезде ядролық қару өндіру мен оны таратпау да аса маңызды саяси ұстанымдар болып отыр.