Жоба:Инкубатор/Такир Оспанұлы Балықбаев

Балықбаев Такир Оспанұлы (орысша Балыкбаев Такир Оспанович; 1957 жылы 10 тамызда КСРО, ҚазКСР, Жамбыл облысы, Талас ауданы,Комсомол ауылында дүниеге келген ) – педагогика ғылымдарының докторы (2003), профессор. Ресей білімді ақпараттандыру академиясының академигі, Қазақстан жоғары мектебінің ұлттық ғылым академиясының академигі, Қазақстан Республикасы Ұлттық ғылым академиясының құрметті мүшесі, Украинаның ұлттық педагогика академиясының шет елдік мүшесі. Қазақстан Республикасы Білім және ғылым вице-министрі (2013-2016), Абай атындағы Қазақ ұлттық педагогикалық университетінің ректоры (2016 – 2021).

Өмірбаяны [өңдеу | қайнарын өңдеу]

1957 жылы тамыздың 10 жұлдызында Жамбыл облысы Талас ауданы Комсомол селосында дүниеге келген. 1980 жылы С.М.Киров атындағы Қазақ мемлекеттік университетін (қазіргі – әл-Фараби атындағы Қазақ Ұлттық университетінде) математика мамандығы бойынша бітірді. 1985 жылы Мәскеу мемлекеттік университеті механика-математика факультетінің аспирантурасын бітіріп, физика-математика ғылымдарының кандидаты ғылыми дәрежесін алу үшін 01.01.01 – «Математикалық анализ» мамандығы бойынша «Лакунар ортонормальды жүйелердің бір класы туралы» тақырыбында диссертация қорғады. 2003 жылы педагогика ғылымдарының докторы ғылыми дәрежесін алу үшін «Жоғары оқу орындары студенттер құрамын қалыптастырудың ақпараттық үлгісіннің теоретикалық-методолгиялық негіздері» тақырыбында диссертация қорғады. 1985-1994 жылдары С.М.Киров атындағы Қазақ мемлекеттік университетінде ассистент, доцент және деканның орынбасары болып жұмыс істеді, 1994-1995 жылдары Республикалық тест орталығының директорының орынбасары, 1995-1997 жылдары Республикалық білімдегі жаңа технологиялар орталығының зертхана меңгерушісі болды. 1997 – 1999 жылдары Қазақстан Республикасы Білім, мәдениет және денсаулық сақтау министрлігінің сектор меңгерушісі болып істеді. 1999-2001 жылдары Білім беру мен тестілеудің мемлекеттік стандарттарының ұлттық орталығының жобалардың бас менеджері және 2001-2003 жылдары Қазақ ұлттық аграрлық университетінің оқу және оқу-әдістемелік жұмыстар жөніндегі проректоры қызметтерін атқарды. 2003 - 2007 жылдары Білім беру мен тестілеудің мемлекеттік стандарттарының ұлттық орталығының директоры, 2007 жылы Қазақстан Республикасы Білім және ғылым министрлігінің Білім және ғылым саласында қадағалау мен аттестаттау комитетінің төрағасы қызметтерін атқарды. 2008-2011 жылдары Ы.Алтынсарин атындағы Ұлттық білім беру академиясының президенті болып істеді. 2011 жылы Павлодар мемлекеттік педагогикалық институты ректорының міндетін атқарды. 2011- 2012 жылдары Қазақ технология және бизнес университетінің, 2013 жылы Халықаралық бизнес академиясының ректоры болып істеді. 2013 жылдың қарашасынан 2016 жылдың маусымына дейін Қазақстан Республикасы Білім және ғылым вице-министрі қызметін атқарды. 2016 жылдың шілдесінен 2017 жылдың маусымына дейін Қазақстан Республикасы Президентінің Әкімшілігінің сектор меңгерушісі болып істеді. 2017-2021 жылдары Абай атындағы Қазақ ұлттық педагогикалық университетінің ректоры болып істеді.

Отбасы [өңдеу | қайнарын өңдеу]

Жұбайы: Турпанова Қуаныш Масғұтқызы. Балалары: ұлы — Балықбаев Кайрат, қызы — Гаухар, немерелері: Елдана, Аделина, Найля, Айлин.

Ғылыми атақтары [өңдеу | қайнарын өңдеу]

• Физика-математика ғылымдарының кандидаты • Педагогика ғылымдарының докторы (2003) • профессор ғылыми атағы берілді • Ресей білімді ақпараттандыру академиясының академигі • Қазақстан жоғары мектебінің ұлттық ғылым академиясының академигі • Қазақстан Республикасы Ұлттық ғылым академиясының құрметті мүшесі • Украинаның ұлттық педагогика академиясының шет елдік мүшесі.

Марапаттары [өңдеу | қайнарын өңдеу]

• Қазақстан Республикасының құрмет грамотасы (2006). • 2018 жылы ҚР Президентінің жарлығымен «Парасат» орденімен марапатталды. • «Қазақстан Республикасының ңылымын дамытуға сіңірген еңбегі үшін» құрметті белгі (2007); • «Ы.Алтынсарин» атындағы құрметті белгі (2009); • Кәсіптік білімді қолдау қорының (РФ) А. Г. Небольсин атындағы жүлдесінің лауреаты • Мерекелік медальдар.

Ғылыми еңбектері [өңдеу | қайнарын өңдеу]

170-тен астам ғылыми еңбектері, монографиялары, оқу және әдістемелік құралдары бар. «Педагогические и технологические основы формирования студенческого контингента», «Ұлттық бірыңғай тестілеу: алғашқы нәтижелер», «Национальная система оценки качества образования Республики Казахстан: принципы и перспективы развития» және «Методические основы измерения результатов обучения школьников по информатике» атты монографиялардың авторы.

Дереккөздер [өңдеу | қайнарын өңдеу]

1. ↑ ІНОЗЕМНІ ЧЛЕНИ НАПН УКРАЇНИ (укр.). Оф. сайт НАПН Украины. Дата обращения: 22 мая 2018.