Жоба:Инкубатор/Әбжет Әулие

Әбжет Қалыбекұлы - көріпкел, сәуегей. Руы - Адай, Есенғұл-Өрезек. Ол құмалақ ашып, алда болатын оқиғаларды дол болжайтын сәуегейлігімен аты шыққан. Бірде ол көпшілік жиналған жерде бір кісіге: «Немене, сенің нарың жоғалып па еді?» дейді. Анау түйесінің жоғалғанын, табанынан сарсылып іздеп, таба алмай торыққанын айтады.

Сонда Әбжет ата «Ендеше сол нарың бәлен деген жерде жайылып жүр» дейді. Айтқан жерге бір бала барып, нарды айдап келіпті. Ел аузында оның мұндай қасиеті жөнінде аңыз әңгіме көп.

Жемнің жоғарғы жағын қоныстанған қазақтар оның осындай қасиетін қастерлеп, бейітінің басына шырақ жағып түнейді.