Жолаушылар автокөлігі кәсіпорны

Уикипедия — ашық энциклопедиясынан алынған мәлімет
Jump to navigation Jump to search

Жолаушылар автокөлігі кәсіпорны (ПАП N1) АҚ — Орал қаласында жолаушылар тасымалын қамтамасыз ететін арнаулы кәсіпорын. Ол 1958 ж. таксомотор паркі ретінде құрылған. Жыл сайын табысты еңбек етіп, материалдық-техникалық базасын жетілдіру нәтижесінде шағын ұжым 1974 ж. 1-автобус паркіне айналды. 1980-жылдары кәсіпорын жанынан жаңа цехтар ашылып, көлікті жөндеу және қосалқы бөлшектерді қалпына келтіру мәселесі дербес шешілді. 1989-1992 ж. автобус паркі жалға беріліп, өзінің кәсіби міндетін тындырымды атқарды. 1993 ж. 29 желтоқсаннан бастап ол «1 -Жолаушылар автокөлігі кәсіпорны акционерлік қоғамы» деп аталады. 1999 жылдан кәсіпорын ұжымы жолаушылар тасымалын тендер өткізу, арнаулы келісімшарттар жасау арқылы жүзеге асырады. Қазіргі кезде акционерлік қоғамға қарасты 62 автомобиль, сондай-ақ бірнеше жеңіл таксомотор қала тұрғындарына мүлтіксіз қызмет етіп жүр (1.8.2001). Кәсіпорын қала ішінде жолаушылар тасымалдаумен қатар автобустар мен жеңіл автомобильді жөндеу және техникалық күтім жасау, жуу қызметтерін де атқарады.[1]

Дереккөздер[өңдеу]

  1. Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8