Жорық күзеті

Жорық күзеті — күзетілетін әскерлерге (күштерге) қарсыластың барлаушыларын жібермеу, оларды қарсыластың тұткиылдан шабуыл жасауынан қорғауға және шеп құруга, ұрысқа енуге қолайлы жағдай жасау максатында жорықта ұйымдастырылатын әскерлерді (күштерді) күзетудің түрі.

• Жорық күзеті жорықтық реттің бір бөлігі болып келеді. Оны құрамалардың, бөлімдердің және бөлімшелердің командирлері ұйымдастырады. Олар жорық күзетінің күштері мен құралдарын тағайындайды, оларға тапсырмалар береді, әрекет жасау тәртіптерін анықтайды және оларды жорық кезінде басқарады. Жорық күзетіне бөлінетін күштер мен құралдардың құрамы әскерлердің (күштердің) қозғалу жағдайларына және, ең бірінші, қарсыласпен қақтығыс болуының ықтималдығына байланысты.
• Құрлық әскерлерінде жорық күзетіне авангардтық, басты, бүйірлі және тылдық жорықтық бекеттері бөлінуі мүмкін. Жорықтық бекеттерден шолғындылар жіберіледі, ал жорық лектерінде тікелей күзет ұйымдастырылады. Қолайлы шептерді және қозғалыс бағытының шеттеріндегі жасырын кіре берістерін қалқалаушы басымдылық биіктіктерді басып алу мен ұстап тұру үшін жылжымайтын бүйірлік бекеттер қойылуы мүмкін. жорық күзеті органдарынын күзетілетін әскерлерден (күштерден) орналасу қашықтығы атқаратын міндеттеріне, бөлінетін күштер мен құралдар санына, қарсыластың іс-әрекет сипатына, жергілікті жерге, жыл және тәулік мезгіліне байланысты болады. жорық күзеті органдары белгілеңген бағытқа жылжуларын басты күштер лектерінің жорықтық жылжуы басталғанға дейін тағайындалған қашықтықты жүріп ету есебінен бастайды.
• Аялдамаларда жорық күзетіне осы қашықтықты сақтай отыра қолайлы шептерде аялдайды және әскерлердің күзетін жүргізе береді. Күндізгі (түнгі) демалыстарда олар сақшылық күзет қызметін атқарады. Жорық күзеті жорықта қарсыласпен кездескенде оның күзетін жойып, басты күштерінің ісәрекеттерін шектейді және өздерінің басты күштерінің жазылуы мен маневрі үшін қолайлы жағдай мен уакытты қамтамасыз етеді. Басты күштер ұрыс үшін шеп құрған соң жорық күзеті күзеттік міндеттерін орындауды тоқтатады және командирдің шешіміне сәйкес ұрысқа жаңа тапсырмалар алады.