Жоғарғы жиіліктік титрлеу (ЖЖТ) және онын теориялық негіздері

ЖЖТ - кондуктометрлік талдаудың түйісусіз варианты. Сыртқы электр жиілігін жоғарылатқанда ерітіндінің электр өткізгіштігі артады (Дебай - Фалькенгаген эффектісі). Айнымалы ток өрісіндегі иондардың тербелу амплитудасы азайып, иондардың тербелу периоды иондық атмосфераның релаксациясымен өлшемдес болғандықтан, сұйылтылған ерітіндіде релаксациялық эффектінің тежегіштігі артады. Жоғарғы жиілікгегі өрісте молекулалар деформацияланады (деформациялық поляризациялау белгілі бір бағыт алады), нәтижесінде электр өткізгіштікті, диэлектрлік қасиеті бар ерітіндінің магниттік өтімділігін өзгертетін қысқа мерзімдік ток пайда болады.

Жиілігі 1-ден 100-ге дейінгі мГц-ке болатын токты жоғарғы жиіліктегі ток деп атайды. Кез келген молекуланың электрондары электрлік өріс әсерінен оң зарядталған электродка, ал ядро теріс зарядталған электродқа қарай ығысады. Полюсті молекулалар болса, диполь молекулаларын өріс бойымен бағыттауга ұмтыла келіп.

деформациялық және ориентациялық майысу және бағдарлық поляризациялануға ұшырайды. Молекулалардың поляризациялануы ерітіндінің диэлектрлік жоне магниттік өтімділігін біраз өзгертеді. Бұл титрлеу кезіндегі молекуланың қасиетін зерттеуге мүмкіндік береді. Сыйымдылық пен индуктивтен тұратын тізбектің толық электр өткізгіштігі активті λ (нағыз) және реактивті (жалған) λ құраушылардан тұрады.

λ = λ_акт + j λ_реакт

Реактивті құрастырушы сыйымдылық пен индукцияға тәуелді:

• λ_с (реакті = V • С
• λ_L (реакт) = L / V

мұндағы v - жиілік, С - сыйымдылық, L - индуктивтік. j = √(-1)

Бұдан титрлеу кезінде өткізгішгік пен сыйымдылықтын немесе өткізгіштік пен индуктивтіктін өзгерісін бақылауға болатыны шығады.