Жымпитыдағы шіркеу

Жымпитыдағы шіркеу— отарлық кезеңнің діни-архит. ескерткіші. 1909-13 ж. тұрғызылған. Шіркеу орыс сәулеткерлік мекгебінің псков-новгородтық дәстүрлері, сондай-ақ 19 ғ-дың соңы-20 ғ-дың басындағы «кірпішті стилі» қасбеттерді өңдеу негізінде салынған.Ғимараттың жобасы тікбұрышты (11,66 х 28,00 м), ш.-б. бағыты бойынша созылып, күйдірілген кірпіштен қаланған.
Үймеретгің негізгі нобайы ұзына бойына созылған өспен бөлінген үш бөліктен тұрады: орталық бөлме, батыс және шығыс жақта 8 қырлы, төбесі шатырлы қоңырау бөлмелері(екеуі де бағанды-тақтайлы шатыр және шағын күмбездермен жабылған). Олардың жалпы биікт. 20,0 м. Ғимаратты қаптауға жапырақша темірлер қолданылған. Қасбеттері әртүрлі арка, қалақша, архивольт, шығыңқы бедерлі бағандар тізбегімен өңделген.Ескерткіш көпшілікке арналған шіркеу ретінде салынғанмен, оған келушілердің аздығынан көбінесе құлазып бос тұрған. Кеңес дәуірінде бүлін-шілікке ұшыраған ғимарат қазір авариялық жағдайда, жөндеу-қалпына келтіру жұмыстарына мұқтаж.