Жүзжылдық

Уикипедия — ашық энциклопедиясынан алынған мәлімет
Jump to navigation Jump to search
Жүзжылдық
Aloe arborescens Compton.JPG
Ғылыми топтастыруы
Дүниесі: Өсімдіктер
Бөлімі: Magnoliophyta
Табы: Magnoliopsida
Тегі: Жүзжылдық

Жүзжылдық (алоэ, Aloe) – асфоделдер тұқымдасына жатады. Туысында 350-ге жуық түрі бар. Африканың тропикалық аймақтары мен Мадагаскар аралында таралған. Сукулентке жататын өсімдік. Табиғатта оның шөптесін, бұта, ағаш және шырмауық түрлері бар. Отанында бұл өсімдік жылда гүлдейді. Ал Қазақстанда бөлме гүлі ретінде өсірілетіндіктен, үй жағдайында өте сирек гүлдейді. Жүзжылдық деп аталуы, жүзжылда бір гүлдейді дегеннен шыққан. Күтімі өте жеңіл. Жапырақтары шырынды, ұзын сүйір, қатты, қалың қабықты, шеттері өткір тікенді болып келеді. Шырынында бактерицидтік қасиеті өте жоғары болғандақтан, медицинада үлкен қолданыста. Ауа тазартудан да басқа өсімдіктерге қарағанда фитонцидтерді көп бөледі. Фитонцидтер – ауадағы бактерияларды жояды.

Жарығы:[өңдеу]

Жарық сүйгіш. Тіке түскен күн сәулесін қажет етеді.

Жылуы:[өңдеу]

Қыста 10 °C төмен болмауы абзал. Жарық жерге қою керек.

Суғарылуы:[өңдеу]

Жазда жиі, қыста сирек суғарады.

Ылғалдылығы:[өңдеу]

Құрғақ ауаға төзімді. Көктем-жаз айларында аптасына бір рет су бүркіп тұрған абзал.

Қоректендірілуі:[өңдеу]

Кірпігүлге арналған тыңайтқышпен айына бір рет, ал қыста қоректендірмейді.

Аурулары:[өңдеу]

Ауруға сирек шалдығады. Сукулентке жататындықтан, артық суғарғаннан шіріп кету қаупі бар.

Көбейтілуі:[өңдеу]

Түбін бөлу арқылы көбейтеді.

Сілтемелер[өңдеу]

Дереккөздер[өңдеу]

"Гүлстан" республикалық ғылыми-танымдық, көпшілік журнал, 2010 жыл ISSN 2078-6727