Жүйріков Кеңес Қажыгерейұлы

Қысқаша мәлімет

Жүйріков Кеңес Қажыгерейұлы (22.3.1936 ж.т., Семей қаласы) – ғалым, экономика ғылымдарының докторы (1998), профессор (2000), Қазақстанның еңбек сіңірген экономисі (1981). Алматы халық ш. институтын (қазіргі Қазақ экономика университеті) бітірген (1968). Қазақстанның Қаржы министрлігі жүйесінде жауапты қызметкер (1963 –79), Мемлекеттік сақтандыру басқармасы бастығының орынбасары, бастығы, Мемлекеттік коммерциялық сақтандыру компаниясы басқармасының төрағасы (1979 – 96), “Сенім” сақтандыру компаниясының президенті (1996 – 98) болған. 1998 жылдан Алматы экономикалық институтының кафедра меңгерушісі. Ғылыми еңбектерінің негізгі тақырыбы – жекешелендіру процесіндегі сақтандырудың мәні мен түрлері. Ол сақтандыру саласында алғаш рет рынокты, бизнесті және сақтандыру шараларын біртұтас қарастыра отырып, нарықтық экономикаға көшу кезеңінде республикадағы сақтандыру процесіне экономикалық талдау жасады.

Сілтемелер

• экономика
• профессор
• Қазақ экономикалық универстеті