Жүнісбай моншасы

Жүнісбай моншасы - Тараз қаласында 19 ғ-дың соңынан сақталған архитуралық ескерткіш. Жалпы аумағы 18x25 м. Көлемі әр түрлі 10 бөлмесі сақталған, ІІ-іні бәлмесі қалпына келтірілген. Аралық дәліздер монша бәлмелерін бір-бірімен жалғастырып тұр. Қабырғаның қалыңдығы 0,8 м, биіктігі 2,5 -3 м, жалпы үйдің күмбезіне дейінгі биіктігі 4-6 м-ге дейін жетелі. Әр бөлменің төбесі күйдірілген кірпіштен қаланған күмбездерден жабылған. Күмбездің жоғары ұшында үйге жарық түсіретін тік бұрышты шағын саңылаулар бар. Бөлмелер ішкі жағынан әсемделе қаланған қуыстармен безендірілген. Моншаны салғызған жергілікті тұрғыны Қалп Юнус бай. Кезінде тұрғындарға ақысыз қызмет көрсеткен. Монша 1941 жылға дейін істеп келген. 1986 ж. Жамбылдағы арнайы ғылыми қалпына келтіру шеберханасы моншаның қалпына келтіру жұмыстарын жүргізген.