Жүсіпбек Тұрсынов

Уикипедия — ашық энциклопедиясынан алынған мәлімет
Jump to navigation Jump to search

Жүсіпбек Тұрсынов (20.12. 1914, қазіргі Павлодар облысы Ертіс ауданы - 23.7.1979, Шымкент к.) - актер, Қазақстанның еңбек сіңірген артисі (1947). 2-дүниежүзілік соғыска қатысқан. 1937 - 1951 ж. Ақтөбе мен Жамбыл облысы драма театрында кызмет етті. 1952 жылдан Шымкент облысы драма театрының актері; осы театрда Ә.Тәжібаевтың "Гүлден, даласын", С.Адамбековтің "Күн мен көлеңкесін" қойды. Ол, негізінен, өткір мінезді рольдерде ойнады. Орындаған рольдері қатарында Махамбет (М.Акынжаиовтың "Исатай-Махамбетінде), Жантык, Жағыпар (Ғ.Мүсіреповтің "Қозы Көрпеш-Баян сұлуы" мен "Амангелдісінде"), Арыстан, Көбей (М.Әуезовтің "Айман-Шолпаны" мен "Еңлік-Кебегінде", Керім (Әуезов иен Л.С. Соболевтің "Абайында", Қарасай (Б.Майлиннің "Шұғасында"), Боқаев (С.Адамбековтің "Біздің үйдің жұлдыздарында"), Базарбай (Ә.Ордабаев пен Қ.Шаниннің "Сенім күшінде"), Қатай (С.Жүнісовтің "Ажар мен ажалында"), Әли (Р.Ғамзатовтың "Тау кызында"), Подколесин (Н.В. Гогольдің "Үйленуінде"), т.б. бар. Қызыл Жұлдыз орденімен және медальдармен марапатталған.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8