Жұмыс бөлмесі

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Жұмыс бөлмесінің негізгі жабдықтары — жұмыс столдары, креслолар, кітап сөрелері мен шкафтар. Кабинеттегі жұмыс столының аумағы 140x70 см-ден кем болмауы тиіс. Жұмыс столын дұрыс пайдаланудың маңызы зор. Отырған адамның тура алдындағы столдың жиегінен 70 см, ал одан солға және оңға қарай 50—60 см аралық оның жұмыс істеуге арналған аймағы болып есептеледі. Бұл жерде жұмысқа тікелей пайдаланылатын заттар болғаны жөн. Столдың оң жақ және сол жақ бұрыштарына бәрінен дұрысы техникалық заттар (мысалы, диктофон, картотека т. б.), сондай-ақ анықтамалық әдебиеттер мен стол календарың қойған дұрыс. Телефонды столға емес, оның сол жағына арнайы тұғырыққа немесе кішкене шкафқа орналастырады. Егер мүмкіндік болса жұмыс столының сол жағына жазу машинкасы тұратын шағындау стол қойған жөн (жазу машинкасы қойылатын столдың биіктігі негізгі жұмыс столының биіктігінен 5—8 см төмен болуы тиіс). Жұмыс істеу үшін айналмалы орындық немесе кресло болуы қажет. Жұмыс істеуге арнайы шығарылатын креслоларды, оның арқалығын жоғары төмен жылжытып отыруға арналған тетігі болады, еркін айналатын кіндікке әрі сырғымалы роликке орнатылады.

Жұмыс столының қағаз бен майда-шүйде заттарды салатын суырма, жәшіктері болуы керек. Екі тартпалы (тартпалар еркін суырылады) столдар өте ыңғайлы келеді. Қағаздарды мұқабасы қатты папқаларға салып тікесінен қоюға болатындай суырмалары бар столдар болса тіпті жақсы.

Столдың бетіне жарықтық дұрыс түсуінің де маңызы зор. Оның беті мен жан-жағы қара-көлеңкеленбей жарық біркелкі жарқырап түсуі тиіс. Қажет болған жағдайда жарықтың бағытын және жарық тұрған жер мен жұмыс істейтін орьшның аралығын өзгертуге мүмкіндік беретін шамдарды пайдаланған жөн. Жұмыс бөлмесінде демалатын шағын орын (сондай-ақ әңгімелесіп отыратын, кітап оқитын т. б.) жасауға болады, онда креслолар, диван, газет-журнал столы қойылады.

Кабинет негізінен үй жағдайындағы кәсіби жұмыс үшін (әдебиетшілер, ғылыми қызметкерлер т. б.) пайдаланылады. Жұмыс орнын тиімді пайдаланған жағдайда кабинетте оқушының сабақ дайындайтын орнын, шағын үй шеберханасын орналастырүға болады.[1]

Дереккөздер[өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9