Жұмыс өтілі

Уикипедия — ашық энциклопедиясынан алынған мәлімет
Jump to navigation Jump to search

Жұмыс өтілі - қызметкердің еңбек және басқа қоғамдық пайдалы қызметінің ұзақтығы. Жалпы, үздіксіз және арнаулы Жұмыс өтілі түрлеріне бөлінеді. Жалпы стажға жұмысшы немесе қызметші ретіндегі жұмыстың сипаты мен нақты мазмүнына, үзілістеріне қарамастан жиынтық ұзақтығы, қызметкер мемлекеттік сақтандыруға жатқызылған кез келген жұмыс, әскерде қызмет өткерген, партизан отрядтарында болған уақыт, мемлекеттік қауіпсіздік және ішкі істер органдарындағы, әскерилендірілген күзеттегі қызмет, жоғары және арнаулы орта оқу орындарында, колледждерде (училищелерде), мектептерде, кадрларды даярлау, біліктілікті көтеру, қайта біліктілік алу курсрында, магистратурада, аспирантурада, ординатурада, доктарантурада күндіз оқыған уақыт, жұмыстан мәжбүрлі түрде қалған,ауырған, түрмеде және айдауда болған (кейіннен ақталған жағдайда) уақыт, т.б. кіреді. 0л еңбек зейнетақысын тағайындау кезінде қажет. Үздіксіз стаж — бір кәсіпорында үздіксіз жұмыс істеген уақыттың ұзақтығы. Заңда көзделген реттерде оған басқа кәсіпорындардағы бұрынғы жұмыс немесе өзгедей қызметте есептеледі,мысалы , бір жұмыстан басқа жұмысқа ауыстырылғанда немесе көшірілгенде, үзіліс белгілі бір кезеңнен аспаса, есептеледі. Еңбекке уақытша жарамсыздық бойынша жәрдемақы толеу кезінде басқада жағдайларда пайдаланылады. Aрнаулы стаж жұмыстың, халық шаруашылығы саласының, еңбек жағдайының (жер астындағы, ауыр, зиянды жұмыстар мен басқа да жағдайлар) белгісі бойынша айқындалады. Жеңілдікті зейнетақы тағайындау кезіңце еңбек сіңірген жылдары үшін сыйақы белгілеу кезінде ескеріледі.[1]

Дереккөздер[өңдеу]

  1. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2