Закир Лутфрахманович Асфандьяров

Уикипедия — ашық энциклопедиясынан алынған мәлімет
Jump to navigation Jump to search

Закир Лутфрахманович Асфандьяров - (20.12.1918, Ресей, Башкортостан - 4.1.1977, Қарағанды облысы Балкаш қаласы) - екінші дүниежүзілік соғысқа қатысушы, зеңбірек расчетінің командирі, старшина. Татар. Омбы әскери училищесін бітірген (1939). Оқуды бітірген соң Қиыр Шығыста әскери қызметте болды. Ұлы Отан соғысы жылдары Мәскеу түбіндегі шайқасқа, Тихвин, Курск, Винница, Львов, Берлин қалаларын азат етуге қатысты. 1943 ж. 5-9 шілдеде Асфандьяровтың расчеті Курск иінінде жаудың 9 танкісін, көптеген әскерін жойды. 1943 жылдың күзінде оның расчеті жаудың 10 танкісін, 100-ден астам әскері мен офицерін, ал 1944 ж. 25 қаңтарда Винница облысы «1 мамыр» кеңшары аумағындағы шабуылда 10 танкіні жоя отырып, жау шабуылына тойтарыс берді. 1944 жылдың шілдесінде осы ұрыстардағы ерлігі үшін КСРО Жоғары Кеңесі Төралқасының Жарлығымен оған Кеңес Одағының Батыры атағы берілді (1.7.1944). Соғыстан кейін Балқаш қаласында тұрып, Шығыс Қоңырат №6 шахта кенішінде тіреуші, ауысым шебері, бастығы қызметінде болды. Ленин, Қызыл Ту, 1-дәрежелі Отан соғысы, «Кызыл Жұлдыз» ордендерімен, «Варшаваны азат еткені үшін» медалімен марапатталған. [1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х