Затаевич атындағы көше (Алматы)

Затаевич атындағы көше. Көшеге қазақ саз өнерінің сақталуы мән дамуына елеулі үлес қосқан музыка фольклортанушысы, композитор, этнограф, музыка-қоғам қайраткері, Қазақ КСР халық әртісі - Александр Викторович Затаевичтің есімі (Алматы қаласы атқару комитетінің 04.09.1981 №18/458 шешімі) берілген.

Затаевич Александр Викторович (1869-1936) Орлов облысында дүниеге келген. Ол - «Қазақтың 1000 әні» және «Қазақтың 500 әні мен күйлері» жинақтарының авторы.

Көше Медеу ауданында орналасқан. Ескендіров көшесінен басталып Есентай көшесіне дейін созылып жатыр. Жуков, Манаев, Жамақаев, Кәрібжанов көшелерін қиып өтеді. Бұрынғы атауы - Лермонтов көшесі. Кешенін ұзындығы - 860 метр.