Зақымдалеан аймақтардан өту

Зақымдалеан аймақтардан өту — әскерлердің (күштердің) ұрыстық, ұрыс алдындагы және жорықтық реттермен, жауынгерлік қабілеттіліктерін барынша сақтап және жауынгерлік міндеттерді орындай отырып зақымданған және қираған өңірлерден ұйымдасқан түрде өтуі. Бұл осындай өңірлерді айналып өту немесе әскерлерді тікұшақтар және ұшақтармен алып өту мүмкіндігі болмаған жағдайларда жүзеге асырылады. Өту тәсілдерін нақты ұрыстық жағдайға, бөлімшелер мен бөлімдердің қорғалу дәрежесіне, олардың орындайтын міндеттерінің мазмұнына, жергілікті жер мен ауаның радиоактивті зақымдану дәрежесіне, қирау сипатына, жергілікті жердің жағдайына, өңірдің әскерлердің жүру бағытына қатысты жағдайына және олардың аумағына байланысты командирлер анықтайды.

Аймақтар

Радиоактивті зақымданған аймақтардан екі тәсілмен: радиация деңгейінің төмендеуін күтпей бірден және радиацияның жоғары деңгейі төмендегеннен кейін өтіледі. Құрамында әр түрлі деңгейде қорғалған бөлімшелері бар құрамалар мен бөлімдер Бұл тәсілдерді аралас түрде қолданады: сауытты машиналардағы бөлімшелер мен бөлімдер аймақтардан бірден өте алады, ал автомобильдермен жылжитын әскерлер радиация деңгейі белгілі бір дәрежеге төмендегеннен кейін өтеді. Радиоактивті зақымданған аймақтарды бірден өту кезінде шабуылдьщ шапшаң қаркыны сакталады, қарсыластың шабуылдаушы әскерлерден алыстау мүмкіндігі қиындайды. Зақымданған аймактардан радиацияның деңгейі төмендегеннен кейін өту жеке құрам бірден өту кезінде сәулеленуге көбірек шалдығатындай болғанда және радиация төмендеуін күту жауынгерлік міндетті орындауға кедергі болатындай жағдайларда жүзеге асырылады. Өту алдында ең қауіпті тұстарды айналып өту жолдарын анықтау үшін барлау жүргізіледі. Өту бағыттын тандау кезінде радиация деңгейінің мөлшері, ядролық соққыдан кейін өткен уакыт, әскерлер жүріп өтуінің ықтимал жылдамдығы есептелінеді. Өту жолдарын анықтауда жеке құрам сәулеленуінін болжамды дозасы негізгі фактор ретінде алынады. Әскерлер зақымданған аймакты бірден өту кезінде саптық реттерін өзгертпейді. Радиация деңгейі жоғары болғанда қорғаныс дәрежелері жоғары бөлімшелер мен бәлімдер бірінші эшелонға шығады. Закымданған жерлерде ашық машиналарда жылжитын жеке құрам шаң көтерген жағдайда газтұмылдырық пен теріні қорғау құралдарын киеді.Танк, ЖҮМ экипаждары және үсті жабық машиналардағы жеке құрам газтұмылдырықтарды ғана қолданады. Аймақтан шыққан соң қажет болса арнайы өндеу жүргізіледі.