Зейнолла Ершораұлы Дүйсембаев

Зейнолла Ершораұлы Дүйсембаев (1939 жылы туған, Қарағанды қаласы) – медицина ғылымының докторы (1993), профессор (1997).

Қарағанды мемлекеттік медицина институтын (1963, қазіргі Қарағанды мемлекеттік медицина академиясы) бітірген. 1963–66 ж. Қарағанды қаласындағы Еңбек гигиенасы институтында кіші ғылыми қызметкер, 1966–69 ж. Алматы дәрігерлер білімін жетілдіру институтында аспирант, 1972–76 ж. Қарағанды мемлекеттік медицина академиясында кафедра меңгерушісі, 1976–79 ж. 2-дүниежүзілік соғысқа қатысқандар мен мүгедектерге арналған Республикалық клиникада (Алматы қаласы) бөлім меңгерушісі, 1980–93 ж. Қазақ ғылыми-зертттеу институтында аға, бас ғылыми қызметкер, 1994 жылдан Қазақстан Республикасы Ұлттық Ғылым Академиясының Еңбек гигиенасы және физиология институтында лаборатория меңгерушісі қызметін атқарады. Дүйсембаевтың 80 ғылыми жарияланымы, оның ішінде 2 монографиясы жарық көрген.^[1]