Зейнолла Қаппарұлы Жақыпов

Зейнолла Қаппарұлы Жақыпов (5.12.1916, қазіргі Қарағанды облысы Қоңыртас кенті - 18.5.1981, Қарағанды қаласы) - актер, режиссер, драматург, Қазақстанның еңбегі сіңген артисі (1944). Алматы театр училищесін бітірген (1939). Ленинград (қазіргі Санкт-Петербург) театр, музыка және кинематография институтында тәжірибе жинақтаудан (1950) өтті. Ол Қарағанды облысы драма театрында актер, директорлық орынбасары (1939 - 48), бас режиссер, әрі директор (1954 - 78), әдебиет бөлімінің меңгерушісі (1978 - 81) болып қызмет атқарды. Сондай-ақ, 1948 - 54 ж. Қарағанды облысы атқару комитетінің өнер істері бөлімін басқарды. Жақыпов ойнаған рольдерінің арасында: Намысұлы (М.Әуезов пен Ә.Әбипевтің "Намыс гвардиясында"), Шораяқ (Ш.Құсайыновтың "Алдар көсесінде"), Науан хазірет (Ғ.Мүсіреповтің "Ақан сері - Ақтоқтысында"), Осип (Н.В. Гоольдің "Ревизорында"), т.б. көрнектілері бар. Режиссер ретінде Әуезовтің "Еңлік - Кебегін", "Айман - Шолпанын", Ш.Құсайыновтың "Біздің Ғани" мен "Кеше мен бүгін", Ә.Тәжібаевтың "Майра", т б. спектакльдерін қойды. Ж.Сәрсековпен бірігіп "Зауреш", "Бажалар мен балдыздар", "Жүрек жырлары", т.б. пъесалар жазды.