Зениттік ракеталық әскер (зрә)

Зениттік ракеталық әскер (зрә) (Зенитные ракетные войска (ЗРВ) — елдің әуе шабуылына қарсы қорғаныс әскері құрамындағы зениттік басқарылатын ракеталар арқылы ұшақтарды және басқа да әуе нысаналарын жоюға арналған әскердің негізгі түрі.

Ұйымдастырылу жағынан зениттік ракеталык әскер түрлі қолданыстағы әскери ракеталар кешенімен, оның ішінде алыс ұшқышсыз тосып алушылармен жасақталған бөлімшелер мен бөлімдерден және құрамалардан тұрады. Зениттік ракеталық әскердің әскери мүмкіндіктері ұшудың шекті қашықтықтарында, үлкен және кіші биіктіктерде және жылдамдықтары дыбыстан ұшқыр қазіргі заманғы әуе-ғарыштық барлық шабуыл құралдарын дерлік жоя алады. Олардың қимылдарының нәтижелілігі жыл маусымы мен тәулік мезгіліне, метеорологиялық жағдайлар мен радиокедергілерге тәуелді емес. Зениттік ракеталық әскер нысананы әдетте бірінші ракетамен жоя алады.