Зұлқарнай Шөкіұлы Нұралыханов

Уикипедия — ашық энциклопедиясынан алынған мәлімет
Jump to navigation Jump to search

Зұлқарнай Шөкіұлы Нұралыханов - (1832 - 1892) - Әбілқайыр хан әулетінен шыққан сұлтан, Нұралы ханның немересі. 1851 ж. кейіннен белгілі қайраткерлер шоғыры болған Ш.С.Бабажанов, М.Бекмұқамедов (Мақаш әкім), М.Жантөрын секілді қазақ жастарымен бір жылда Орынбордың Неплюев корпусын бітіріп шықты. Бөкей 415 ордасында әкімшілік-басқару жұмысына араласты. Ағасы Медетқалидың істі болуына байланысты хорунжий әскери атағынан алынды.

1887 ж. Жаңақалада өз қаражатына мешіт салдыруға Астрахан губерниялық басқармасынан ресми рұхсат алды. «Дала уәлаяты» газетінің Бөкей ордасындағы тілшісі.

1888 ж. бастап Омбыда шығып тұрған аталған басылымда «Орда деген сөздің мағынасы», «Бөкей халқының соңғы хандары», «Хан ставкасы», т.б. мақалалар жазды. Зұлқарнайдың әкесі Шөкі сұлтан байбақты руын билеген, кейіннен Орданы басқару кеңесінің кеңесшісі болған белгілі тұлға. Зұлқарнайдың өз балалары — қызы Хұсни-Жамал 1883 ж. қазақ қыздарына арналған училище ашқан, Сәлімгерей Алаш қозғалысының қайраткері болса, Сейіткерей кеңес өкіметін орнатуға араласқан.[1]

Дереккөздер[өңдеу]

  1. Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8