Зәуреш Қанашқызы Ахметжанова

Зәуреш Қанашқызы Ахметжанова
Мансабы:	филология ғылыми доктор, профессор

Зәуреш Қанашқызы Ахметжанова (2.12.1947 ж.т., Шығыс Қазақстан облысы Бесқарағай ауданы) – филология ғылыми доктор (1989), профессор (2000).

Павлодар педагогика институтының филология факультетін (1970) және Алматы мемлекеттік шет тілдері институтының аспирантурасын (1976) бітірген. Павлодар педагогика институтында орыс тілі кафедрасының ассистенті (1970–73), Қазақстан ғылым академиясының Тіл институтында аға, жетекші ғылыми қызметкер (1976–90), Алматы мемлекеттік университетінде декан (1991–93), кафедра меңгерушісі (1990–2002), диссертация кеңестің төрайымы (1999–2001), Қазақ халықар. қатынастар және әлем тілдері университетінің ғылыми жұмыстары жөніндегі проректоры (2002–08) қызметтерін атқарады. «Қазақ және орыс тілдерінің функционалды-салыстырмалы зерттеулері» деген тақырыпта доктор диссертация қорғаған. Ғылым жұмыстарының бағыты – тіл теориясы, типология және салыстырмалы тіл білімі, әлеуметтік лингвистика, екі тілді лексикография, шет тілдері дәрісханасында қазақ тілі мен орыс тілін оқыту әдістемесі, аударманың лингвист. және лингводидакт. мәселелері. А. 100-ден аса ғыл. жарияланымның авторы.