Уикипедия — ашық энциклопедиясынан алынған мәлімет
Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
Тексерушілерге нұсқаулықты оқу үшін оң жақтағы көрсет дегенді басыңыз.
Мақала тексерушілерге: мақаланы тексерілді деп белгілеу үшін бұл үлгіні алып тастаңыз. Мақаланы тіркелгеніне 6 ай болған, 500 өңдеме жасаған барлық қатысушылар және осы екі шарттың біреуін болсада қанағаттандыратын қатысушылар тексерілді деп белгілей алады. 2015 жылдың шілдесінен бергі тексерілмеген мақалалар мына санатта тізімделеді: Санат:Уикипедия:Тексерілмеген мақалалар. Осы айдағы тексерілмеген мақалалар санатын бастау.
Ибраһим Ағытайұлы (11.10.1942 жылы Жангелдин ауданы Ақкөл ауылында туған) – ұстаз, журналист, этнограф. 1966 жылы Қызылорда педагогикалық институтының филология факультетін бітірген. Еңбек жолын туған ауылында орта мектеп директорының орынбасары болып бастаған. 1971 жылы Қазақстан компартиясы Жангелдин аудандық комитетіне қызметке ауысып, көп ұзамай Алматы жоғары партия мектебіне оқуға жіберілді. 1976-83 жылдары кәсіподақтар ұйымын басқарып, аудандық атқару комитетінде ұйымдастыру бөлімінің меңгерушісі қызметін атқарды. 1983-88 жылдар аралығында «Шилі» кеңшары партия ұйымының хатшысы болды. Бұдан кейін журналистік қызметке ауысып, 1990 жылдан Қостанай облысы Әулиекөл ауданы «Әулиекөл тынысы» газетінде тілші, бөлім меңгерушісі, редактордың орынбасары болып істеді.Ибраһим Ағытайұлы қаламгер ретінде қазақ халқының ұлттық салт-дәстүрлерін жаңғырту, жұртына қайта оралған А. Байтұрсынов, М. Дулатов, Е. Омаров, Басықара Қанафияұлы шығармаларын насихаттау жұмыстарын қолға алды. Осы зерттеулердің нәтижесінде «Ортақ өмір арнасы» (2005), «Бабамыз бекзат данышпан» кітаптары жарық көрді. 1996 жылы ұйымдастырылып, Байтұрсыновтың өмірі мен шығармашылық жолын зерттеуді мұрат еткен «Ақжол» экспедициясының жұмысына белсене араласты. 2000 жылы Байтұрсынов ауылына әкім болып тағайындалып, облыс деігейінде «Ұрпақтар қауышуы» атты үлкен шара өткізуге мұрындық болды. А. Байтұрсынов медалін алды. 2010 жылы ғұламаның адал жары Бадрисафа Мұхамедсадыққызына арналған экспедициялық жұмыстар барысында Орынбор, Омбы, Томск, Қарқаралы, Алматы қаласында болып, деректі фильм түсірді, Тобыл өңіріндегі «Екпінді» ауылында ескерткіш орнатуға қатысты.
