Иван Антонович Кузьмин

Уикипедия — ашық энциклопедиясынан алынған мәлімет
Jump to navigation Jump to search

Иван Антонович Кузьмин(5.3.1916, Ресей, Алтай өлкесі, Сараса селосы - 11.4.1963) - 2- дүниежүзілік соғысқа катысушы, гвардия майоры, батальон командирі. 1936 жылы Кеңес әскері қатарына шақырылды. Қиыр Шығыстағы Хасан көлі бойындағы қақтығыстарға және Кеңес-фин соғысына қатысты. Кейіннен Алматы облысы,Қаскелең қаласына қоныс аударған. Кузьмин 1941 жылы Ұлы Отан соғысына аттанып, 738-атқыштар полкінің 1-атқыштар батальонында ұрыстарға қатысты. Оның жауынгерлік жолы батырлыққа, ерлікке толы. 1-Беларусь майданы 1944 жылы 27 шілдеде Брест ауданы мен Седльце қаласын алғаннан кейін Варшава қаласына (Польша) шабуыл бастады. Осы майданның 69-армиясы Варшаваның оңтүстігінде Висла өзенінен өтіп, Магнушев және Пулавы калаларының маңында плацдарм құрды. Кузьминнің іскерлігі арқасында батальон плацдармды жауға бермеді. Жаудың 6 шабуылына тойтарыс беріп, оларды шығынға ұшыратты. Ол өзі жекпе-жек айқаста 30-дан аса жау әскері мен офицерін жойды. 1945 жылы 14 қаңтарда Висла өзенінің батыс жағалауындағы Коханув деревнясы маңында жаудың бекінісін бұзу кезінде Кузьмин батальонды бастап, бірінші болып жау траншеясына жетті. Батальон шерумен 300 шақырымнан астам жол жүріп, Познань қаласының Оңтүстік-шығыс жағынан айнала маневр жасап, 1945 жылы 25 қаңтарда Варта өзенінен өтті де, қаланы қоршаған неміс әскерлерін жойды. Висла мен Варта өзендерінен өткені және плацдармды жауға бермей, ұстап қалу жолындағы ұрыстары үшін Кузьминге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.2.1945).[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х