Иван Григорьевич Ледовский

Уикипедия — ашық энциклопедиясынан алынған мәлімет
Jump to navigation Jump to search

Иван Григорьевич Ледовский(15.6.1920, Павлодар облысы, Железин ауданы, Моисеевка селосы - 1988, Павлодар қаласы) - 2-дүниежүзілік соғысқа қатысушы, взвод командирі, аға лейтенант. Орыс. Соғысқа дейін ұжымшарда от жағушы, комбайн жүргізушісі болып жұмыс істеді. Кеңес әскері қатарына 1938 жылы шақырылып, Кеңес-фин соғысына қатысқан (1939-40). 1943 жылы кіші лейтенанттар курсын тәмамдады. 2-Беларусь майданы 3-армиясына қарасты 250-атқыштар дивизиясы 918-полкі кұрамында Ұлы Отан соғысына қатысқан. 1944 жылы 24 маусымда Гомель облысы Рогачев маңындағы ұрыстарда станокты пулеметтен оқ жаудырып, жаяу әскердің жедел алға басуын қамтамасыз етті. Оның взводына Березина өзенінің өткелінің бойында шоғырланған жаудың күшін барлау міндеті жүктелді. Взвод тапсырманы ойдағыдай орындап, 70-тен астам жауды жойды әрі қару-жарақ қоймасын, сонымен қатар тұтқиылдан шабуыл жасау арқылы паромды қолға түсірді. Өткел мен паром арқылы жауынгерлердің өзеннен өтуін жеделдетті. Осы ұрыстарда көрсеткен батылдығы мен тапқырлығы үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (24.3.1945). Соғыстан кейін Павлодар қаласында тұрып, сонда еңбек етті. Ленин, 1- және 2-дәрежелі Отан соғысы ордендерімен, медальдармен марапатталған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х