Иван Моисеевич Натаров

Уикипедия — ашық энциклопедиясынан алынған мәлімет
Jump to navigation Jump to search

Иван Моисеевич Натаров(1910, Ресей, Ставрополь өлкесі, Николаевка селосы - 16.11.1941, Дубосеково темір жолы айырмасы) - 2-дүниежүзілік соғысқа қатысушы, атқыш,орыс. Алматы облысы, Кербұлақ ауданында ұжымшарда жұмыс істеген. 1941 жылы Кеңес әскері қатарына алынып, Батыс майданның 316-атқыштар дивизиясы 1075-атқыштар полкі 2-батальонының 4 ротасы кұрамында майдандағы ұрыстарға катысқан. 1941 жылдың 16 қарашасында Мәскеу облысы,Волоколам ауданы,Дубосеково темір жолы айырмасы маңында оның ротасы жаудың бірнеше шабуылына тойтарыс берді. Ұлы Отан соғысында 28 батыр- панфиловшылар ретінде тарихта қалған топ осы шайқаста жаудың 18 танкісін жойды. Натаров ауыр жараланып, қаза тапты. Волоколам ауданы,Нелидов деревнясындағы бауырластар зиратына жерленген. КСРО Жоғарғы Кеңесі Төралқасының Жарлығымен Натаровқа Кеңес Одағының Батыры атағы берілді (21.7.1942). Ленин орденімен марапатталған. Нелидов деревнясындағы клубта 28 панфиловшыларға арналған мұражай ашылып, шайқас болған жерге мемориал орнатылды.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х