Иван Степанович Исаков

Уикипедия — ашық энциклопедиясынан алынған мәлімет
Jump to navigation Jump to search
Иван Степанович Исаков
Հովհաննես Ստեփանի Իսակով (Տեր-Իսահակյան)
суреті
Туған күні

22 тамыз 1894 (1894-08-22)

Туған жері

Аджикент, Елизаветпольск губерниясы, қазіргі Әзірбайжан

Қайтыс болған күні

11 қазан 1967 (1967-10-11) (73 жас)

Қайтыс болған жері

Мәскеу, КСРО

Мемлекет

 КСРО

Атағы

Кеңес Одағы флотының адмиралы

Басқарды

Балтық флоты

Шайқасы

Екінші дүниежүзілік соғыс

Иван Степанович Исаков (Ованес Исаакян арм. Հովհաննես Ստեփանի Իսակով(Տեր-Իսահակյան);10 (22) тамыз 1894 жыл Аджикент, Елизаветпольск губерниясы, қазіргі Әзірбайжан - 11 қазан 1967, Мәскеу) - Кеңес Одағының флот адмиралы (1955), Кеңес Одағының Батыры (7.5.1965), КСРО ҒА - ның корреспондент мүшесі(1958). 1939 жылдан КОКП мүшесі.

Әскери - теңіз академиясының жанындағы бастықтар құрамының жоғарғы курсын бітірді(1928). 1918 жылдан Әскери - Теңіз Флотында қызмет атқарды. Азамат соғысы кезінде Балтық флоты мен Волга - Каспий әскери флотилиясында түрлі корабльдердің командир көмекшісі және командирі болады. 1923 жылдан Қара теңіз флотында қызмет істеді. 1933 - 1938 жылдарда Балтық флотының штаб бастығы және қолбасшысы. 1938 - 46 жылы Әскери - Теңіз Флоты халкомының орынбасары және 1 - орынбасары. 1946-47 жылдары Әскери - Теңіз қызметі Бас штабының бастығы. 1947-50 жылдары Әскери - Теңіз Флоты бас қолбасшысының орынбасары. 1947 - 1954 жылдары "Морской атластың" жауапты редакторы. 1954 - 1955 жылдары КСРО Теңіз флоты министрінің орынбасары. 1955 жылдан Қорғаныс министрлігінде басшы жұмыста істеді. 40 - тан астам ғылыми еңбектердің авторы. 1 - сайланған КСРО Жоғары Кеңесінің депутаты. КСРО Мемлекет сыйлығының лауреаты(1951). 6 рет Ленин орденімен, 9 рет Қызыл Ту, 2 рет 1 - дәрежелі Ушаков, 1 - дәрежелі Отан соғысы, Қызыл жұлдыз ордендерімен және медальдармен марапатталған.

Дереккөздер[өңдеу]