Имандра

Уикипедия — ашық энциклопедиясынан алынған мәлімет
Jump to navigation Jump to search

Имандра – Кола түбегінің оңтүстік – батыс бөлігіндегі көл, РКФСР-дің Мурманск облысында ауданы 812 шақырым квадрат, тереңдігі 67 метрге дейін. 126,7 метр биіктіктегі мұздық – тектоникалық әрекеттерден пайда болған қазан шұңқырында жатыр. Жағасы қатты тілімделген; көптеген шығанақтары мен аралдары бар, ең ірісі – Ерм-арал. Оның ауданы 26 шақырым квадратты құрайды. Имандра көлі үш бөлікке негізделген. Олар: Солтүстік – Үлкен немесе Хибин Имандрасы, ауданы 328 шақырым квадрат, ұзындығы 55 шақырымдай, ені 3-5 шақырымдай; Орталық Иокострав Имандрасы. Оның ауданы 351 шақырым квадрат, ені 12 шақырымға жуық. Олар саяз Иокотрав бұғазы мен жалғасқан(ең енсіз жері 700 метр); батыс – Бабинск Имандрасы(ауданы 133 шақырым квадрат), ол орталық бөлігімен Широкая Салма бұғазымен жалғасқан. Имандраның батыс бөлігіне көптеген өзендер(Пиренга, Монча, т.б.) құяды. Иокострав Имандрасынан Нива өзені басталады. Көл қар, жаңбыр суымен қоректенеді. Қарашада қатып, майда түседі, балыққа (сиг, хариус, голеттц т.б.) бай. Имандраның батысында Лапланд өорығы бар. Солтүстік батыс жағасында Мончигорск қаласы орналасқан. 1952 жылғы Нива СЭС-і каскады жасалғаннан кейін Имандра бөген болды.

Дереккөздер[өңдеу]

М.Қ.Қаратаев, Қазақ совет энцеклопедиясы. 4 том. 672 бет.