Импульстік модуляция

Уикипедия — ашық энциклопедиясынан алынған мәлімет
Навигацияға өту Іздеуге өту

Модуляция (лат. modulatio — біркелкілік; ырғақтылық ) – сигнал берудің импульстік жүйесінде тасымалдаушы сигнал гармоникалық сигналдағыдай үздіксіз болмай, импульсті болады. Яғни, тасымалдаушы сигнал ретінде периодты, тізбектелген бейнелік немесе радиоимпульстік сигналдар қолданылады. Осындай тасымалдаушы сигналдар параметрлерінің ақпараттық сигналдың өзгеру заңдылығына сәйкес өзгеруін импульстік модуляция деп атайды.

Тасымалдаушы импульстер тізбегінің параметрлері: импульстің амплитудасы, импульстің ұзақтығы, импульстің жиіктілігі (қайталану уақытының кері шамасы немесе периодының кері шамасы), импульстің фазасы (пайда болу уақыты). Осы параметрлердің біреуінің өзгеруіне байланысты импульстік модуляция амплитудалық импульстік модуляция (АИМ), жиілік импульстік модуляция (ЖИМ), кеңдік импульстік модуляция (КИМ) және фазалық импульстік модуляция (ФИМ) болып бөлінеді. Тасымалдаушы испульс тізбегіндегі импульстің қайталану жиілігі ақпараттық сигналдың ең жоғарғы жиілілігінен ең кем дегенде екі есе артық болуы керек. Импульстік модуляцияланған сигналдың жиіліктік спектрімен анықталады. Испульстік модуляцияланған сигналды байланыс жолымен қашықтыққа беру үшін оны екінші рет жоғары жиілікті гармоникалық тасымалдаушы сигналмен модуляциялайды. [1].

Дереккөздер[өңдеу | қайнарын өңдеу]

  1. Радиотехника, Компьютер және Байланыс сөздігі, Алматы 2007
Ортаққорда бұған қатысты медиа файлдар бар: Category:Modulation