Инженерлік-авиациялық қамтамасыз ету

Инженерлік-авиациялық қамтамасыз ету

Инженерлік-авиациялық қамтамасыз ету (Инженерно- авиационное обеспечение) — авиациялық техниканың әуедегі сенімділігін, тұрақты әскери даярлығын қамтамасыз ету мақсатында жүргізілетін іс-шаралар жиынтығы. Сонымен қатар, кез келген әскери жағдайда авиациялық техниканы дұрыс пайдалану мен техникалық тұрғыда дұрыс жөндеу жұмыстарына ұшу және инженерлік-техникалық құрамның даярлығын қамтамасыз ету болып табылады.

Инженерлік-авиациялық қызмет

Инженерлік-авиациялық қызмет (Инженерно-авиационная служба) — әскери-әуе күштеріндегі және қарулы күштердің басқа да түрлеріндегі авиацияның әскери қимылдар мен ұрысқа дайындығын инженерлік-авиациялық камтамасыз етуге арналған қызметінің бір түрі. Қазіргі инженерлік авиациялық қызмет әскери-әуе күштерінің, елдің әуе шабуылына қарсы қорғаныс әскерлері авиациясының авиациялық бөлімдеріндегі, құрамаларындағы, авиациялық округтері мен орталык басқару органдарындағы инженерлік-техникалық құрамның ұйымдастырушылық-штаттық құрылымы болып табылады. Инженерлік-авиациялық қызметтің негізгі міндеттері: ұшақтарды, тікұшақтарды, планерлерді, авиациялық қозғалтқыштарды, қару-жарақ пен құралсаймандарды дұрыс және пайдалануға дайын қалпында ұстау, авиациялық техниканы техникалық дұрыс пайдалану; ұшқыштар мен инженерлік-техникалық құрамның техникалық дайындығына жетекшілік ету. Инженерлік-авиациялық қызметтің жұмысы тиісті ережелермен, нұсқаулармен, басқа да құжаттармен реттеледі.