Ирланд сагалары
Ирланд сагалары - ертедегі Кельт тайпаларының тарихи оқиғалар мен мифтік сюжетке құрылған эпикалық шығармалары.
Біздің заманымыздан бұрын 1 ғасырында пайда болған. Ирланд сагаларын арнаулы жыршылар ғана айтатын болған. Олардың басқа елдердің дастандарынан ерекшеліктері сол - ирланд сагалары өлеңмен емес, қара сөзбен айтылатын. Ирланд сагаларының бізге жеткен нұсқаларында өлеңмен жазылған бөлімдері де бар. Бірақ ол бөлімдер кейін қосылған. Ирланд сагаларын жинап, жазып алу 8 ғасырдан басталып, 12 ғасырда аяқталды. Жазып алушы монахтар оларды көшіріп жазушы ғана емес, өздерінше қысқа нұсқаларды үлкейтіп, кейіпкерлерді сипаттауға көңіл бөлген өңдеуші де болды. Сондықтан ирланд сагаларының алғашқы түрімен кейінгі нұсқаларын салыстырғанда, өзгешеліктер байқалады (ал ондағы романтикалық толғаныстар орта ғасырда қосылған). Жырда кездесетін мифтік, батырлық сарындар көне дәуірге жатады. Ирланд сагаларының дені ("Куальнгеден өгізді ұрлаудан" басқасы) көлемі шағын, сюжеттік құрылысы қарапайым келеді. Ирланд сагалары кейінгі кездерде халық ертегілері ретінде айтылып жүр. [1]
Дереккөздер[өңдеу | қайнарын өңдеу]
- ↑ Ирландские саги, первое вступление. А.А Смирнова.