Исламғали Наурызалин

Уикипедия — ашық энциклопедиясынан алынған мәлімет
Jump to navigation Jump to search

Исламғали Наурызалин (1888, Орал облысы, Ілбішін уезі, Қаракөл болысы, Саралжын ауылы – 1964) — арнаулы білімді алғашқы қазақ дәрігерлерінің бірі. Қаракөл 2 кластық орыс-қазақ мектебін бітірген соң (1910) Воронеж фельдшерлер мектебіне түсіп, осы оқу орнын 1914 ж. тәмамдады. 1914-20 ж. Жымпиты земстволық ауруханасында фельдшер. 1917-19 ж. Алаш қозғалысына үн қосып, жергілікті земстволық өзін-өзі басқару органы жүйесіңде денсаулық сақтау мекемелерін құру ісін жолға қоюға атсалысты. 1920- 24 ж. Қаратөбе учаскелік ауруханасында фельдшер. 1924-28 ж. Мәскеу мемлекеттік университеттінің медицина факультетінде оқыды. 1928-30 ж. Батыс Қазақстан облысындағы жаңадан ұйымдасқан Шалқар ауданында аудандық аурухана меңгерушісі. 1930-41 ж. Қаратебе учаскелік ауруханасының, кейінірек аудандық аурухана меңгерушісі. 1941-44 ж. Мәскеу облысының Кашира қаласындағы 4839-эвакуациялық госпитальда әскери дәрігер. Ұлы Отан соғысын медицина қызметінің капитаны шенімен аяқтады. Қаратөбе ауданы ауруханасының меңгерушісі (1944-51), бөлім меңгерушісі (1951-64) боп қызмет атқарды. Қаратөбе ауданы ауруханасы Наурызалинның есімімен аталады.[1]

Дереккөздер[өңдеу]

  1. Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8