Исра Уа-л-Мираж

Исра Уа-л-Мираж, әл Исра уа-л-Мираж (1. жіберу, түнде саяхат жасау; 2. баспалдақ, ең жоғары мәртебе, Алла тағаланың құзыры), Мираж оқиғасы – Мұхаммед пайғамбардың (ғасыр) бүкіл әлемнен өтіп, бүкіл жаратылыстан жоғары кө- теріліп, Алла тағаламен сұхбаттасуы. Бұл қасиетті оқиға їижрадан, яғни Мұхаммед пайғамбардың Мединеге қоныс аударуынан бір жарым жыл бұрын, 621 жылы 27 режепте болған. Меккелік мүшриктерден қатты қысым көріп, жапа шеккен Мұхаммед пайғамбар бұл түні Алла тағаланың ерекше сыйына бөленді. Қағба маңынан Бураққа (Пырақ) мініп, Жәбірейіл періштенің жол бастауымен әуелі Иерусалимдегі Меежид-и Ақсаға барып, содан кейін ғарышқа көтерілді. Мұнда өзінен бұрын өткен пайғамбарлармен жолығып, жүздесті. Оған суреттеуге тіл жетпейтін керемет таңғажайыптар көрсетілді. Алла тағаламен сұхбаттасып, өсиеттер алды. Намазда оқылатын “әт-Тахияту л’иллаїи” деп басталатын дұға осы сұхбат кезінде айтылды. Бес уақыт намаз парыз болып, уақыты белгіленді. Намаздың осы қасиетіне орай, бір хадисте “мұсылманның намазы – миражы” деп айтылады. Бұл әрбір мұсылман намазда Алланың құзырына шыға алады деген мағына да береді. Меккеде мүшриктер Мұхаммед пайғамбардың сөзіне сенбеді. Осы арада мүшриктердің тықсыруынан тайсалмай, өзінің қалтқысыз сенімін жария еткен Әбу Бәкір “Сыддық”, яғни шынайы, шыншыл деген атаққа ие болды. Меккеліктер Мұхаммед пайғамбардан Иерусалимді суреттеп беруін талап етті. Алла тағаланың құдіретімен Мұхаммед пайғамбар олардың барлық сұрақтарына толық жауап берді. Мираж оқиғасы – Мұхаммед пайғамбардың ең үлкен мұғжизаларының бірі. Бұл жөнінде Құран Кәрімде және хадистерде баяндалған. Ислам ғалымдары бұл мәселеге көп тоқталмайды. Дегенмен, ақын-жазушылар оқиғаға байланысты көптеген арнау өлеңдер, жыр-дастандар жазған. Бұлар “миражийие” деп аталады. Осы оқиға [[Қожа Ахмет ==Сілтемелер== «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, IV том