Италия-эфиопия соғыстары

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Италия-Эфиопия соғысы.jpg

Италия- Эфиопия соғыстары - Италияның Эфиопияға қарсы жүргізген отаршыл басқыншылық соғыстары, Шығыс Африкада өз үстемдігін орнату мақсатын көздеді. 1895-1896 жылғы соғыс. 1895 жылдың аяғында ген. Баратери бастаған Италия әскерлерінің Тигре провинциясын басып алуынан басталды. 1895 жылы 7 желтоқсанда Амба-Алаги түбіндегі ұрыста Эфиопия әскері Италия әскерлеріне алғаш рет күйрете соққы берді. 1896 жылы 1 наурызда Адуа(Адува) түбінде қырғын соғыс болды. Онда 20 мың Италия армиясы талқандалды. 1896 жылы 26 қазанда Аддис-Абебада қол қойылған шарт бойынша Италия Эфиопияның толық суверенитетін мойындады. 1935-1936 жылғы соғыстар 30 жылдарда Италия өз отарлары Эритрей, Италия сомалиында ірі әскер күшін жинақтады. 1934-1935 жылы Эфиопиямен бірнеше шекаралық арандату соқтығыстарын жүргізді. 1935 жылы 3 қазанда Италия армиясы Эфиопия жеріне басып кірді. Италия басқыншыларына Эфиопия қаһармандықпен қарсылық көрсетті, алайда шегінуге мәжбүр болды. Тек Совет Одағы ұлттар лигасында және одан тысқары жерлерде агрессияға тойтарыс беріп, Эфиопияға жәрдем беруді қолдады. Ұлыбритания, Франция және АҚШ Италияны қарумен және стратегиялық шикізатпен жабдықтады. 1936 жылы 5 мамырда Италия әскерлері Аддис-Абебаны алды. Дегенмен, Эфиопиядағы партизан соғысы ел азат етілгенге дейін, яғни 1941 жылдың мамыр айына дейін толастамады.

Дереккөздер[өңдеу]

Қазақ совет энцеклопедиясы. 4 том