Ию машинасы

Уикипедия — ашық энциклопедиясынан алынған мәлімет
Jump to navigation Jump to search

Ию машинасы – әр түрлі пішінді не құбыр тәрізді дайындамаларды ыстықтай немесе салқын күйінде июге арналған машина. Оның үш және төрт білікті (ротациялы), роликті, айналмалы шаблонды (немесе рычагты) бірнеше түрлері бар. Үш және төрт білікті ию машинасы жалпақ материалдарды июге арналған. Онда 45 – 50 мм-ден қалың материалдар ыстықтай иіледі. Роликті ию машинасында пішінді дайындамадан сақина және доға тәрізді детальдер, ал айналмалы траверсті ию машинасында жалпақ материалдар иіледі, жәшік және жұқа қабырғалы бұйымдар жасалады. Бұл ию машинасында қалыңд. 15 мм-ге, ені 5000 мм-ге жететін дайындама июге болады. Шаблонды ию машинасы айналмалы столдан не шаблоннан (кейде айналмалы рычагтан) және қысқыш роликтен тұрады. Онда құбыр элементтері т. б. иіледі. Пішінді қақтаманы июге бульдозер деп аталатын кривошипті немесе гидравликалық Ию машинасы пайдаланылады.

Сілтемелер[өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том