КСРО Қарулы күштеріне 60 жыл мерейтойлық медалі
| «КСРО Қарулы күштеріне 60 жыл» мерейтойлық медал | |
|---|---|
  | |
| Шынайы атауы | орыс. Юбилейная медаль «60 лет Вооружённых Сил СССР» |
| Мемлекет |  КСРО |
| Жағдайы | берілмейді |
| Негізделді | 28 қаңтар 1978 жыл |
| Барынша ұсынылған | шамамен 10 723 340 |
| Жоғары марапаты | «КСРО Қарулы күштеріне 50 жыл» мерейтойлық медалі |
| Төменгі марапаты | «КСРО Қарулы күштеріне 70 жыл» мерейтойлық медалі |
| Jubilee Medal "60 Years of the Armed Forces of the USSR" Ортаққорда | |
«КСРО Қарулы күштеріне 60 жыл» мерейтойлық медал (орыс. Юбилейная медаль «60 лет Вооружённых Сил СССР») — КСРО Қарулы Күштерінің 60 жылдығын еске алу мақсатында 1978 жылғы 28 қаңтардағы КСРО Жоғарғы Кеңесі Президиумының Жарлығымен құрылды. Медал сызбасының авторы - суретші Л. Д. Пипетко.
Медал ережелері
[өңдеу | дереккөзін өңдеу]«КСРО Қарулы Күштеріне 60 жыл» мерейтойлық медалімен марапатталады:
- 1978 жылы 23 ақпанда Кеңес Әскерінде, Әскери-теңіз күштерінде, КСРО ішкі істер министрлігінің әскерлерінде, КСРО Министрлер Кеңесі қарамағындағы МҚК әскерлері мен органдарында белсенді әскери қызметте болған офицер құрамының тұлғалары, прапорщиктер, мичмандар және мерзімнен тыс әскери қызметтегі әскери қызметшілер;
- бұрынғы қызыл гвардияшылар, КСРО Қарулы Күштері қатарында Кеңес Отанын қорғау үшін әскери әскери әрекеттерге қатысқан әскери қызметшілер, азамат соғысы мен 1941-1945 жылдардағы Ұлы Отан соғысының партизандары;
- белсенді әскери қызметтен запасқа босатылған немесе зейнеткерлікке шыққан, Кеңес Әскерінде, Әскери-теңіз күштерінде, КСРО ішкі істер министрлігінің әскерлерінде, КСРО Министрлер Кеңесі қарамағындағы МҚК әскерлері мен органдарында 20 және одан да көп күнтізбелік жыл қызмет еткен немесе белсенді әскери қызмет кезеңінде КСРО ордендерімен, не болмаса, медалдарымен марапатталған тұлғалар:
«КСРО Қарулы Күштеріне 60 жыл» мерейтойлық медалі кеуденің сол жағына тағылады, ал басқа КСРО медалдары болған жағдайда «КСРО Қарулы Күштеріне 50 жыл» мерейтойлық медалінен кейін орналастырылады.
1995 жылдың 1 қаңтарындағы жағдай бойынша шамамен 10 723 340 адам «КСРО Қарулы Күштеріне 60 жыл» мерейтойлық медалімен марапатталды.
Медалдің сипаттамасы
[өңдеу | дереккөзін өңдеу]
«КСРО Қарулы Күштеріне 60 жыл» мерейтойлық медалі алтын түсті жезден жасалып, диаметрі 32 мм шеңбер пішінді болып келді.
Медалдың бет жағында шарықтап бара жатқан зымырандар мен ұшып бара жатқан жойғыш ұшақтар аясында автомат ұстаған Кеңес Әскерінің сарбазы бейнеленген. Сарбаз мүсінінің оң жағында көкжиекте сүңгуір қайық бейнеленген, оның үстінде екі жолға «1918» және «1978» деген жылдар жазылған.
Медалдың артқы жағында айнала бойлай жұлдызшалармен бөлінген «Алпыс жыл» (орыс. «Шестьдесят лет») және «КСРО Қарулы Күштері» (орыс. «Вооружённых Сил СССР») деген жазулар жазылған. Ортасында — айқастырылған мылтық пен қылыштың үстінде балға мен соқа бар бесбұрышты жұлдыз орналасқан.
Медалдың шеттері ернеумен жиектелген. Медалдағы барлық бейнелер мен жазулар шығыңқы келеді.
Медал құлақша мен шығыршық арқылы ені 24 мм болатын сұр түсті жібек қатқыл таспамен тысталған бесбұрышты тағанға біріктіріледі. Таспаның шеттері ені 5 мм қызыл жолақпен жиектелген. Таспаның ортасынан ұзына бойлай ені 1 мм алтын жолақ өтеді.
Әдебиет
[өңдеу | дереккөзін өңдеу]- Володин А. Н., Мерлай Н. М. Медали СССР — СПб: Печатный двор, 1997. — Б. 194—195. — ISBN 5-7062-0111-0.
- Колесников Г. А., Рожков А. М. Ордена и медали СССР — Минск: Народная асвета, 1986. — Б. 94.