Казарма

Казарма (итал. casarma, лат. casa – үйшік, лагерлік барак) – әскери бөлімдердің жеке құрамаларының тұруына, оқып-жаттығуына және қызмет етуіне арналған арнайы үйі (ғимараты). Арнайы әскери құрылыстар Карфагенде және Ежелгі Римде белгілі болған. Батыс Еуропада арнайы Казармалар 16 ғасырда Испанияда, 17 ғасырда Францияда пайда болды. Ресейде алғашқы Казармалар 1741 жылы Санкт-Петербургте салынып, онда Семенов, Пребреженский, Измайлов және Атты әскер бөлімдері орналастырылды. Қазіргі кезде Қазақстан Қарулы Күштерінде Ішкі қызмет жарғысына сәйкес әрбір рота жеке ғимаратқа орналастырылған.

Сілтемелер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том