Камал Низамұлы Бұрханов

Уикипедия — ашық энциклопедиясынан алынған мәлімет
Jump to navigation Jump to search
Камал Низамұлы Бұрханов

Камал Низамұлы Бұрханов (31.3.1954 жылы туған, Өзбекстан, Ташкент облысы, Шұралысай ауылы) – ғалым, саясаттану ғылымдарының докторы (1997), профессор(1997). Ташкент университетін (1977), Мәскеу мемлекеттік әлеуметтік университетін (2003) бітірген. 1977 – 78 жылдары Ә.Қастеев атындағы өнер музейінде ғылыми қызметкер, 1978 – 79 жылдары Ш.Уәлиханов атындағы Тарих, археология және этнография институтында аға лаборант, 1979 – 2002 жылдары ҚазМУ-де (қазіргі ҚазҰУ) аға лаборант, ассистент, аға оқытушы, доцент, профессор, деканның орынбасары, тарих факультетінің саяси тарих кафедрасының меңгерушісі, тарих факультетінің деканы, философия және саясаттану факультетінің деканы, саясаттану кафедрасының меңгерушісі болып істеді. 2002 – 04 жылдары Абай атындағы Алматы Мемлекеттік университетінің (қазіргі ҚазҰПУ) заң факультетінің деканы, 2004 – 06 жылдары ҚР Президенті Әкімшілігінде бас эксперт, 2006 – 07 жылдары Ш.Уәлиханов атындағы Тарих және этнология институтының директоры қызметтерін атқарды. 2007 жылдан ҚР Парламенті Мәжілісінің депутаты. Бұрханов қазіргі заманғы Қазақстан тарихы және саясаттану ғылымы бойынша республикадағы жетекші мамандардың бірі.

2007-2011 жылдары - ҚР IV сайланған Қазақстан Республикасы Парламенті Мәжілісінің депутаты, Халықаралық істер, қорғаныс және қауіпсіздік комитетінің мүшесі.

2012 жылғы қаңтардан бастап - V сайланған Қазақстан Республикасы Парламенті Мәжілісінің депутаты, Әлеуметтік-мәдени даму комитетінің мүшесі. «Нұр Отан» ХДП партиялық тізімі бойынша сайланған.

40 астам ғылыми жұмыстардың, кітаптардың, мақалалар мен оқу құралдарының авторы. Бірнеше медальдармен марапатталған.[1] Оның ғылыми жұмыстары:«Страна в сердце Евразии, cюжеты по истории Казахстана (1998 г.); «Экстремизм в Центральной Азии» (2000 г.), «Китай между прошлым и будущим» (2001 г.), «Северный Кавказ: история и современность» (2001 г.), «Современная политическая история Казахстана (1985-2006г.г.)» (2006г.), «Казахстанский путь в дилемме: Восток или Запад?» (2011 г.)

Әскери атағы - запастағы аға лейтенант.

Діни кезқарасы - мұсылман.

Саяси қайраткер ретіндегі идеалы - Н.Ә. Назарбаев, Дэн Сяопин.

Қазақстанның болашағы туралы болжамы - «Тұрақты, гүлденуші Қазақстан».

Хоббиі - балық аулау, уфология.

Сүйіп оқитын әдебиеті - саясат және мемлекет қайраткерлерінің естеліктері, тарихи және саяси әдебиет.

Үйленген. Жұбайы - Мұхамеджанова Мағрипа Ғафурқызы (1951 жылы туған), Апматы қаласы Орталық қалалық клиникалық аурухананың терапия бөлімінің меңгерушісі. Ұлы - Бұрханов Азиз Камалұлы (1980 жылы туған); қызы - Бұрханова Дана Камалқызы (1988 жылы туған).[2]

Сілтемелер[өңдеу]

Мәжілістің құрамы мен құрылымы, БҰРХАНОВ Қамал Низамұлы [1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том
  2. Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2