Камил Махмұдұлы Шаяхметов

Камил Махмұдұлы Шаяхметов (15.10.1928, Көкшетау қаласы - 4.5.1995, Алматы) - кескіндемеші, Қазақстанның халық суретшісі (1990). 1956 жылы Ленинградтың (қазіргі Санкт-Петербургтің) кескіндеме, мүсін және сәулет өнері институтын бітірді. Шаяхметов тарихи тақырыпқа арналған "Тоқаш Бокиннің байларды тәркілеуі" (1958), "Елден хат" (1959), "Жер туралы әңгіме" (1962) атты картиналардың, "ІПопандар тойы" (1960), "Сәуленің портреті", "Басқарма" (екеуіде 1961), "Туған ауылда", "Біздің ұжымшар" (1967), "Егіншілер" (1976), "Ғани Мұратбаев" (1981), "Композитор Л.Хамиди", "Халық суретшісі А.Ғалымбаева", "Композитор М.Төлебаевтың портреті" (1983), т.б. портреттердің жөне кескіндемелік туындылардың авторы. Ол Алматы көркемсурет академиясында және қазіргі Қазақ ұлттық өнер академиясында пед. қызметпен де (1991 жылдан профессор) шұғылданады. Қазақстан Жоғарғы Кеңесінің Құрмет грамотасымен (1988), "Құрмет белгісі" орденімен және медальдармен марапатталған.