Карбонарилер
Карбонарилер (итал. carbonaro сөзбе-сөз - көмірші) — революциялық құпия «Carboneria» ұйымының мүшелері. Италияда 19 ғасырдың 1-жартысында және Францияда 19 ғасырдың 20-30 жылдарында жұмыс істеді. Итальян карбонарилері елді Франция және Австрия қанауынан азат етуді және феодал-абсолюттік тәртіпті жоюды көздеді. Карбонарилер ұйымына қала буржуазиясы, буржуазиялық жолға түскен дворяндар, офицерлер, ұсақ буржуазия, қаланың төменгі әлеуметтік топтары мен шаруалар кірді.
Карбонарилер ұрандары республикалық демократизмді монархиялық декларациялармен, антиклерикализмді діни мистикалық идеялармен шатастырды. Карбонарилер 1820-1821 жылы қос Сицилия корольдығындағы, 1821 жылы Пьемонттағы буржуазиялық-революция қозғалыстарға жетекшілік етті. 1831 жылы Романье, Можена, Пармадағы революция көтерілістерге қатысты. Халық бұқарасымен байланысты болмағандықтан карбонарилер қозғалысы айтарлықтай нәтижеге жете алмады.
Дереккөздер[өңдеу | қайнарын өңдеу]
- ↑ Қазақ Совет энциклопедиясы