Карбюратор

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Карбюратор (фр. carburateur) – бензин, керосин (жермай) және тағы сондай сондай жеңіл сұйық отыннан және ауадан жанғыш қоспа түзіп, іштен жанатын қозғалтқышты сырттан қоректендіріп тұратын аспап. Карбюраторда жанғыш қоспадағы ауа мен отын арасындағы қатынас реттеліп отырады.

  • Жанғыш қоспа дайындау процесін карбюраторлау деп атайды. Карбюраторлау нәтижесінде карбюратордың қалтқылы камерасындағы сұйық отын үрпі (жиклер) арқылы шектеулі дозамен тозаңдатқыш түтіктен шым-шымдап шығып, диффузордан аққан ауамен араласып, араластырғыш камерада майда тамшыға (тозаңға) айналады. Пайда болған қоспа қозғалтқыш цилиндріне бағытталады. Цилиндрде қоспа тез және түгел жанып, мол жылу бөліп шығаруы үшін тұман тәрізді біркелкі болуы шарт. Оның сапасын (бай қоспа, жұтаң қоспа, т.б.), яғни қозғалтқыштың жұмыс тиімділігін жүргізуші карбюратордағы дроссельдік қалқан арқылы реттеп отырады.
  • Ауа ағысының бағытына сәйкес карбюратор төмен бағытталған, жоғары бағытталған және горизонталь бағытталған ауа ағынды карбюратор болып 3 топқа бөлінеді.

Автомобильбік қозғалтқыштарында, көбінесе, төмен бағытталған ауа ағынды карбюратор қолданылады. Горизонталь бағытталған ауа ағынды карбюратор мотоцикл, қайық қозғалтқыштарында орнатылады.[1]

Дереккөздер[өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том