Кезек будандастыру

Кезек будандастыру - будандастырудың бір түрі. Кезек будандастыруда әр келесі ұрпақ алу үшін будандастыруға қатысатын тұқымдардың аталықтарын кезекпен пайдаланады. Осының арқасында бірінші ұрпақ буданда жиі кездесетін өміршеңдік, тез жетілгіштік, жоғары өнімділікті бірнеше ұрпақ бойынша сақтап отыруға мүмкіншілік туады. Кезек будандастыруға қатынасын екі немесе үш қай-қайсысы да өнімдік бағыттары ұқсас жоғары өнімді тұқымдардың болуы міндетті шарт. Кезек будандастыру нәтижелілігі будандастырылатын мал тұқымдарын дұрыс тандай білуге және оларды тиімді пайдаланудың кезек ретін табуға байланысты. Осыған орай кезек будандастыру қолданғанда әр түрлі түліктерді өсіруде жинақталған ғылыми деректер мен озық шаруашылық тәжірибесін басшылыққа алған жөн.