Кезеңділік

Кезеңділік - барлық жан-жануарларға ортақ өсіп-жетілудің негізгі заңдылықтарының бірі. Жеке ағза өсіп-жетілуі бірінен соң бірі келіп отыратын, бірінен-бірі сол кезеңге ғана тән өсу қарқыны, құрылымының күрделіленуі, ағзалар жүйесінің қызмет дәрежесі мен үйлесімділігімен айқын ажыратылатын кезеңдерден тұрады. Әр түрлі кезендер тізбегі бір бағытта, тұрақты кезекпен өтеді. Организм бір кезеңнен аттап келесі кезеңге өте алмайды, өткен кезең қайталанбайды. Мысалы, мал дамуында құрсақта даму, туу, уыз-сүт еметін шақ, жыныстық жетілу, толық жетілу, сақайып, қартаю сияқты өсу кезендерін ажыратады.