Кендебай Қарабдалов

Кендебай Қарабдалов (1.5. 1959 жылы туған, Көкмардан ауылы) — этно-дизайншы, сазсырнайшы, қобызшы-фарабист. Қазақстан Дизайнерлер және Суретшілер одағының мүшесі. 1980 ж. Шымкент педагогикалық институтын бітірген. 1981—85 жылы аудан мектеп оқушыларының үйінде бейнелеу сабақтарын жүргізген. Отырар мемлекеттік арехологиялық қорық-музейінде (1985— 88; 1993-96), Шымкент-Дизаин өндірістік шығармашылық бірлестігінде (1990-93), "Шымкент келбеті" газетінде (1997—99) әр түрлі жауапты кызметтер атқарған. 2000 жылдан облыс әкімшіліктің Өнер ордасында жетекші маман. Көне Отырардың құмырашылық кәсібінің технологиясы мен дәстүрін қалпына келтірумен айналысады. 1985 жылдан халықаралық көрмелерге туындылары қойылып келеді. Оңтүстік Қазақстан облысы әкімінің степендианты (2001).