Кенжеғали Кенжебаев

Уикипедия — ашық энциклопедиясынан алынған мәлімет
Jump to navigation Jump to search
Кенжебаев Кенжеғали
Кенжебаев Кенжеғали Кенжебайұлы
Туған кездегі есімі

Кенжебаев Кенжеғали Кенжебайұлы

Туған күні

6 қаңтар 1953 (1953-01-06) (68 жас)

Туған жері

Ақтөбе облысы Байғанин ауданының Доңызтау поселкесі

Азаматтығы

 Қазақстан

Ұлты

қазақ

Қызметі

Ақтөбе өңірлік мемлекеттік университетінің ректоры

Кенжебаев Кенжеғали КенжебайұлыҚ.Жұбанов атындағы Ақтөбе өңірлік мемлекеттік университетінің ректоры, физика-математика ғылымдарының докторы, профессор.

Өмірбаяны[өңдеу]

1953 жылы 6 қаңтарда Ақтөбе облысы Байғанин ауданының Доңызтау поселкесінде дүниеге келген.

Кенжебаев Кенжеғали Кенжебайұлы 1995 жылдың қараша айында Қ.Жұбанов атындағы Ақтөбе мемлекеттік университетінің ректоры болып тағайындалды.

Кенжебаев К.К – физика-математика ғылымдарының докторы, профессор, Ұлттық ғылым академиясының Құрметті академигі, ҚР Ұлттық инженерлік академиясының және Қазақстан Ұлттық жаратылыстану ғылымдары академиясының мүшесі.

Кенжебаев Кенжеғали 1974 жылы Ақтөбе мемлекеттік педагогикалық институтын, Т.Г.Шевченко атындағы Киев мемлекеттік университеті жанындағы күндізгі бөлім аспирантурасы (1981-1984 жж.) мен докторантурасын (1992-1995жж.) аяқтаған. 1995 жылы Т.Г.Шевченко атындағы Киев мемлекеттік университеті жанындағы диссертациялық кеңесте 01.01.02.- дифференциалдық теңдеулер мамандығы бойынша «Конструктивные методы анализа, периодических и многоточечных краевых задач» тақырыбында докторлық диссертация қорғады.

К.Кенжебаев жоғары мектептің тәжірибелі ұйымдастырушысы, оқытуды реформалаудың және ЖОО үдерісіне жаңа технологияларды енгізудің белсенді қолдаушысы, дифференциалды теңдеулер саласындағы ғалым, 100-ге тарта ғылыми және ғылыми-әдістемелік жұмыстардың авторы, ЖОО менеджменті және жоғары мектеп мәселелері бойынша халықаралық және республикалық конференциялар, семинарлар мен форумдардың қатысушысы (Алматы, Астана, Тараз, Москва, Бангкок, Париж, Лондон, Болонья, Дюссельдорф, Токио және т.б.), "Дифференциалдық теңдеулер, анализ және алгебра проблемалары", “Жұбанов тағылымы”, «Ержанов оқулары» дәстүрлі халықаралық ғылыми конференцияларының ұйымдастырушысы және бастамашысы, физика-математика ғылымдары бойынша 7 ғылым кандидатын даярлады.

Соңғы уақытта ол кең мағынадағы дифференциалдық теңдеулер жүйесінің бірінші ретті дербес туындыларының периодты бөліктерінің айнымалы шешімдері проблемаларының негізгі әдістеріне басты назар аударуда.

К. Кенжебаев өзін жоғарғы мектептің ойлы және білікті ұйымдастырушы ретінде көрсете білді. Оның бастамасымен өңірдің әлеуметтік-экономикалық саласын дамытуға қажет ғылыми-педагогикалық құрамын сапалық жағынан жақсартуға қатысты жұмыстар жүргізілді.

Оның жоғары мектепті жақсы білуі, әмбебап ойлауы Қ.Жұбанов атындағы Ақтөбе мемлекеттік университетінің педагогикалық ЖОО-дан Қазақстанның батыс өңіріндегі аса ірі мемлекеттік ЖОО-ға айналуына көп әсер етті.

К.Кенжебаевтың ұйымдастырушылық қабілеті оқу үдерісін оңтайландыруға және одан әрі жаңғыртуға мүмкіндік берді, нәтижесінде оқытудың жаңа ақпараттық технологиялары белсенді түрде енгізілді, маман даярлау сапасы артты, бұған студенттердің халықаралық және республикалық деңгейлердегі жетістіктері дәлел бола алады.

Ректордың тікелей қатысуымен университетте ИСО9001:2000 талаптарына сәйкес білім беру қызметіне сапа менеджмент жүйесі әзірленіп, енгізілді.

Университетте жоғары оқу орнынан кейінгі білім беру ойдағыдай дамып келеді, сонымен қатар іргелі және қолданбалы ғылыми зерттеулерге үлкен көңіл бөлінеді, Әлеуметтік зерттеулер институты, Қолданбалы математика және информатика институты және т.б. ашылды.

Ректор К.Кенжебаев университеттің материалдық-техникалық базасының нығаюымен, университеттің заманауи ғылыми-білім беру кешеніне айналуымен әйгілі болды. Мәселен, бюджеттік қаражат тартылмай-ақ екі оқу-зертханалық корпус, екі оқу корпусы, екі спорттық кешен, Студенттер сарайы, Жастар сарайы, студенттік емхана, студенттік жатаханаға кіре беріс дәлізі, зертханалық корпусқа өтпелі галереясымен және жерасты автотұрағымен 3 қабатты кіре беріс дәлізі, инновациялық технологиялар және телекоммуникация орталығына арналған ғимарат, №3, №4, №5 оқу корпустарына жалғастырылған мансардты жайлар салынып, іске қосылды.

Кенжебаев К.К. 2003 жылдан бастап «Нұр Отан» ХДП мүшесі,«Нұр Отан» ХДП Ақтөбе облыстық филиалының саяси кеңес мүшесі, облыстық мәслихаттың үш шақырылымының депутаты, «Қазақстан жоғары мектебі» журналының ақылдастар алқасының мүшесі, Халықаралық «Қазақ тілі» қоғамының Ақтөбе облыстық филиалының төрағасы.

Марапаттаулары[өңдеу]

  • «Қазақстанның еңбек сіңірген қайраткері» құрметті атағы(2011 ж.)
  • «Қазақстан Республикасы тәуелсіздігіне 20 жыл» (2011 ж.)
  • «10 жыл Астана» (2008 ж.), «Қазақстан Республикасының тәуелсіздігіне 10 жыл» (2001ж.)
  • «Қазақстан Республикасының білім беру ісінің құрметті қызметкері» (2003 ж.)
  • «Қазақстан Республикасы білім беру ісінің үздігі» (1996ж.)
  • Математика ғылымдарын дамытуға қосқан үлесі үшін М.Остроградский (Украина ҒА) атындағы алтын медалімен марапатталған
  • Әл-Фараби атындағы күміс медалімен марапатталған
  • Ақтөбе облысының «Жыл адамы» атағының (1998 ж.) иегері
  • Ақтөбе облысы Байғанин ауданының «Құрметті азаматы»

Дереккөздер[өңдеу]

[1]

  1. http://arsu.kz/kk/node/43