Керме

Керме – 1) үй жанындағы тұқым қабылдайтың ағаштардың (діңгектердің) арасына керіп байланған арқан; оған қонақтар мініп келген көліктерін байлайды, таң асатын, суитын аттарды басын жоғары қаратып байлап ұстайды. Көбінесе, адам көп жиналатын той-томалақта, ас берілетін кезде қолданылады. Жуылған кірді, тері-терсекті, жас етті кептіру үшін де пайдаланады; 2) құс қондыратын арқан. Түзден ұсталған тағы бүркітті шаршатып, ұйқысын қашырып көндіктіру үшін, оған томаға кигізіп, бірнеше күн бостау керілген арқанға қондырып ұстайды. Құс қозғалған сайын арқан ырғалып, бүркітті шаршатып, баулуға еріксіз көндіктіреді.