Коаксиал тізбек

Уикипедия — ашық энциклопедиясынан алынған мәлімет
Jump to navigation Jump to search

Коаксиал тізбек . Коаксиал тізбек екі сымды жүйеге кіреді. Бірақ коаксиал тізбек симметриялы болмайды. Оның екі сымы бірдей емес.

  • Бірінші сымы біртұтас металдан жасалған коаксиал тізбек құрылғысының орталығына орналасады. Оны "ішкі сым" деп атайды.
  • Екінші сым металл түтікшелерден жасалып, ішкі сымды қоршап тұрады. Оны "сыртқы сым" деп атайды.

Ішкі сыммен сыртқы сымның осі ортақ болғандықтан, оларды "бір осьті коаксиалды тізбек" деп атаған. Сыртқы сым мен ішкі сым бір металдан жасалады.

"Коаксиал тізбек" - сымдар бірімен-бірі түйісіп кетпес үшін және оларды бір осьте ұстап түру үшін бұл сымдарды пластмассадан жасалған кабықтармен бөлектейді, мұндай бұйымдар орналасу жағдайын сақтайды.

Бір немесе бірнеше тізбектен жасалған кабельді "коаксиал кабель" деп, олардан салынған байланыс жолын "коаксиал байланыс жолы" деп атайды. Коаксиал тізбектің ішкі жөне сыртқы сымдары бағыттаушы жүйенің міндетін атқарып, олардың арасымен сигналды алып жүретін электромагниттік өріс таралады.

Симметриялы тізбекке карағанда коаксиал тізбектің өткізгіштік қабілеті жоғары болады. Онымен берілетін сигналдың спектрлік ауқымы өте кең (ондаған МГц, тіптен одан да жоғары). Коаксиал тізбекте электр сигналы сыртқы түтікше мен ішкі сымның арасымен таратылатындықтан, ондай тізбектердегі жағымсыз өзара әсерлер өте аз, ал сыртқы әсерлер тіпті аз болады. Сондықтан жоғары жиілікті сигнал беріп, коп арналы телекоммуникация жасауда коаксиал байланыс жолы кеңінен қолданылады.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Электроника, радиотехника және байланыс. — Алматы: «Мектеп» баспасы, 2007 ISBN 9965-36-448-6